Туркийн нийслэл Истанбул хотын Силври эрэгт, Мармара тэнгист өнөөдөр /2024.04.23/ орон нутгийн цагаар 12:49 цагт 6.2 магнитудын хүчтэй газар хөдөлжээ. Газар хөдлөлтийн голомт 10 км-ийн гүнд байсан.

Анхны газар хөдлөлтөөс хойш хэд хэдэн удаагийн чичиргээ бүртгэгджээ.

Хохирлын талаарх мэдээлэл хараахан бүрэн гараагүй байна. Гэхдээ Истанбулын барилга байшингууд чичигнэн савлаж, иргэд аюулгүй газарт зугтан гарцгаажээ. Нэг хүн тагтаар үсрэх гэж завдаад гэмтсэн байна.

Газар хөдлөлтийн улмаас эвдэрч нурж болзошгүй барилга байгууламжууд руу орохгүй байхыг эрх баригчид зөвлөжээ. Мөн онцын шаардлагагүй бол машин жолоодох, гар утсаа ашиглахгүй байхыг зөвлөв. Гамшиг, онцгой байдлын багийнхан газар хөдлөлтийн нөлөөллийг үнэлж эхлээд байна.

Истанбул нь Туркийн хамгийн том хот бөгөөд нийт хүн амын тавны нэг буюу 16 сая хүн амьдардаг.