Түлш нийлүүлэх 20 жилийн хэлэлцээрийг буцаав

УИХ-ын Аюулгүй байдал гадаад бодлогын байнгын хорооны өнөөдрийн /2025.04.23/ хуралдаанаар Засгийн газраас өргөн мэдүүлсэн Монгол Улсад агаарын хөлгийн түлш нийлүүлэх тухай Монгол Улсын Засгийн газар болон ОХУ-ын Засгийн газар хоорондын хэлэлцээрийн төслийг зөвшилцөх асуудлыг хэлэлцээд олонхийн саналаар буцаах санал гаргажээ. Монгол Улсын эрх ашигт нийцүүлэх ёстой, орчуулгаас эхлээд засаж залруулж, сайжруулах ёстой олон асуудал байна гэж үзсэн аж.

УИХ дахь Ардчилсан намын бүлэг дээрх хэлэлцээрийг дэмжих боломжгүйгээ мэдэгдсэн бол УИХ дахь МАН-ын бүлэг хэлэлцээрийг сайжруулах даалгаврыг Засгийн газрын эрх бүхий сайд нарт өгсөн юм.

Тодруулбал, 20 жилийн турш түлш нийлүүлэх гэрээг 20 хүртэл жил болгон бууруулах, “Чингис хаан” олон улсын нисэх буудлыг бүхэлд нь ашиглах тухай ойлголт төрүүлж буй заалтыг өөрчилж, зөвхөн түлш цэнэглэх цогцолборт хамааралтай болгох, маргаан гарвал Монгол Улсын Арбитраар ч хэлэлцэх болгон өөрчлөх даалгавар өгсөн. Харин УИХ-ын Аюулгүй байдал гадаад бодлогын байнгын хорооноос хэлэлцээрийг Засгийн газарт буцаах шийдвэр гаргаснаар нэг бол хийж буй хэлэлцээрээ үргэлжлүүлэн гишүүдээс гаргасан саналын дагуу сайжруулах, эс бол хэлэлцээрээ бүрмөсөн зогсоох хоёр шийдлийн аль нэгийг гаргах болж байна.

Мөн тус Байнгын хорооны хуралдаанаар Монгол Улс болон Евразийн эдийн засгийн холбоо, түүний гишүүн орнууд хооронд байгуулах худалдааны түр хэлэлцээрийн төслийг хэлэлцэж олонх нь дэмжлээ. Энэхүү худалдааны түр хэлэлцээрийг байгуулснаар аж ахуйн нэгжүүдийн экспортын зардал буурахаас гадна худалдааны үйл ажиллагаа илүү нээлттэй болж, гадаад худалдаа эрхлэгчдэд нийтлэг тулгамддаг асуудлуудыг хөнгөвчилж, хялбаршуулна гэж төсөл санаачлагчид үзжээ.

Монгол Улс 3 жилийн хугацаанд энэ гэрээнд нэгдэж 367 бараа бүтээгдэхүүний татварын хөнгөлөлтөд хамрагдах юм.

Монгол Улс мал эмнэлэг, Биокомбинатын бодлогыг сайжруулж чадвал 700 сая ам.долларын махны импортын орон зайд оролцох боломжтой гэдгийг хууль санаачлагчид тодотголоо. Нийт 29 төрлийн мах махан бүтээгдэхүүн, 60 нэр төрлийн арьс шир, 204 төрлийн ноос ноолууран бүтээгдэхүүний татварыг хөнгөлөх асуудал тусч байгаа юм. Үндэсний үйлдвэрлэгчдээ хамгаалж авч үлдэх, давуу байдал бий болгох бодлого баримтлахаар тусгахыг гишүүд хэллээ. Хүнсний хувьсгал, Цагаан алт, Шинэ хоршоо хөтөлбөрүүдийг үр дүнтэй хэрэгжүүлэхэд чухал ач холбогдолтой хэлэлцээр гэдгийг онцлов.

Г.ХОРОЛ

15 сэтгэгдэл

Хариулахаа болих

ннн 2025-04-23 66.181.164.23

Чингис хаан буудлаа Оросын дайн дажиндаа ашигладаг цэргийн дамжингийн бааз болгох гэээгүй л юм бол наад хэлэлцээ ч гэнэ үү юмаа зүгээр л хая…Оросууд одоо хоригт орчихсон оросын онгоцыг хүлээж авах нэг ч буудал соёлт ертөнцөд алга, муу л бол хойд овоохой гээд дээрэлхээд сурцан гарууд бохир зүйлсээ манай буудлаар дамжуулж зөөх гэжил байнашдээ

Хариулах

Нэргүй 2025-04-23 14.1.81.186

Оростой нийлж улс орноо самардаг Дотоодын дайснуудаасаа хэзээ салнааа

Нэргүй 2025-04-23 103.57.94.146

Гэрээ бол зайлшгүй тул сайжруулаад батлах ёстой. Цэцэрхэгчид улс орны эрх ашгийг эхлээд бод

Лондон зураач 2025-04-23 94.1.57.204

…20 жилийн турш түлш нийлүүлэх гэрээг 20 хүртэл жил болгон бууруулах… гэнэ үү, ха ха ха

Нэргүй 2025-04-23 103.212.162.65

Хоёр өөр утга!

Нэргүй 2025-04-23 66.181.179.84

Онгоцны түлшээ ОХУ-аас авч болно л доо.. Харин түлш нийлүүлэх гэрээндээ буудлын менежментыг хамтад нь удирдах, аливаа маргааныг ОХУ-ын шүүхээр шийдэх заалт хавчуулцан байгаам даа. Киргиз улсын Манас онгоцны буудлыг яг ингэж түлш нийлүүлэх гэрээ хийж дараа нь түлшээрээ дарамтлан буудлын менежментыг авсан.Одоо тэр буудал бараг л дампуурах шахжийна. 7 сая хүн амтай К иргизстаны 1 сая гаруй иргэд Оросын хотуудад таксичин, лангуучин, барилгачин, хүүхнүүд нь нууц салонд болон зам дээр биеэ үнэлээд л.

Шинэ Оросууд аюултай, найдваргүй "друг" шүү…

Нэргүй 2025-04-23 202.9.40.3

Түрүүний бөөсүүд . толгойд шаацн эцстэ ингн тэгн ийм тийм хууль гарна.дур-ра гажиг мнголд хууль мууль уих мурл гэж байхгүй гажиг х***а манжууд бөөгнр бүлг бөөгнрч шаацн. Мнгол хүн мнголчууд гажиг хулгайч бүлг хулгайч х***а манж уих зг гх бүлг хулгайч х***а манж бөөгнлийг зайллулчих таоааж усгж огцрулчих учраа олчих байлгүй дэ.