Нийтийн эзэмшлийн гудамж, талбайд байршуулсан, явган хүний замд саад учруулж буй ТҮЦ-үүдийг нүүлгэж байгаа. Уг ажил СБД-ийн хэмжээнд энэ сарын 10-ны өдрөөс эхэлсэн. Өнөөдрийн байдлаар тус дүүрэгт 136 ТҮЦ-ийг нүүлгээд байгаа аж.

Энэ сарын 22-23-нд шилжих шөнө Багшийн дээд орчимд үлдсэн нэг ТҮЦ-ийг нүүлгэсэн. Ингэхдээ тухайн иргэний ТҮЦ-ийг эвдэж бараа бүтээгдэхүүнийг газар дээр нь үлдээсэн гэх мэдээллийг иргэн Лхамхүү мэдээлсэн.

Тэгвэл энэ талаар СБД-ийн менежер Э.Чинзориг мэдээлэл өглөө. Тэрбээр, "эзэмшигч иргэнд энэ оны гуравдугаар сард нүүлгэх шаардах хуудас хүргүүлсэн. Мөн энэ сарын эхээр бас нүүлгэх гэж байна шүү бараа бүтээгдэхүүнээ янзлаарай гэдэг шаардлагыг хүргүүлсэн. Тодруулбал, 2016 онд нийтийн эзэмшлийн талбайг чөлөөлөх, орц гарцыг нээх шаардлагыг хүргүүлж байсан. Үүнээс хойш удаа дараа нүүх шаардлага хүргүүлж, хугацаатай мэдэгдэл хүргүүлж байсан. Хамгийн сүүлд /2025.04.03/ газар чөлөөлөх мэдэгдэл хүргүүлсэн. ингэхэд "бидэнд хугацаа өгөөч ээ. Өөрсдөө нүүлгэе гэх хүсэлтийг тавьсан. Ингэж бид иргэн Лхамхүүд 10 хоногийн хугацаа өгсөн. Өчигдөр нүүлгэхдээ та шаардлага биелүүлээд өгөөч. Бараа бүтээгдэхүүнийг чинь зөөгөөд өгье гэдгээ хэлсэн. Ингэхэд биднийг халгаагаагүй. Мэргэжилтнүүдийн өөдөөс ёс зүйгүй үйлдэл гаргаж байсан. Нийслэлийн Засаг даргын захирамжийн дагуу дөрөвдүгээр сарын 22-нд нүүлгэн шилжүүлсэн.

иргэн Лхамхүүгийн хувьд 2015 оноос хойш өнөөдрийг хүртэл Багшийн дээдийн нүхэн гарцын хажууд ТҮЦ-ээр худалдаа үйлчилгээ үзүүлж байжээ. Ингэхдээ өнөөдрийг хүртэл анх байсан хэмжээнээсээ худалдаа, үйлчилгээ эрхлэх талбайн хэмжээгээ томруулсаар ирсэн" гэлээ.