Кремлийн хэвлэлийн төлөөлөгч Дмитрий Песков ерөнхийлөгчийн хэлсэн үгийг "Энгийн иргэдийн объектод цохилт өгөхгүй байх тухай Украинтай шууд хэлэлцээ хийх хүслийн илэрхийлэл. Энгийн объектод цохилт өгөхгүй байх асуудлыг хөндөж, хоёр талт хэлэлцээ хийх боломжтой гэж ерөнхийлөгч хэлж буй нь Украины талтай хэлэлцээ хийх, ярилцах бодолтой байсныг илэрхийлнэ" гэсэн юм.

Энэ хооронд дайн үргэлжилсээр, Одесса хотод нисгэгчгүй нисэх онгоцны цохилтод өртөж гурван хүн шархдаад байна. Мөн орон сууцны барилгууд шатаж, сүйдэв. Улаан өндөгний баярыг тохиолдуулан талууд 30 цаг гал зогсоохоор тохирсон ч амлалтаа зөрчиж, гал нээсэн гэж талууд бие биеэ буруутгаж буй. Зеленскийн хэлснээр ОХУ энэ хугацаанд 3000 удаа галлажээ. Харин ОХУ Украиныг хэдэн зуун нисгэгчгүй онгоц нисгэсэн гэж буруутгаж байна.

Дашрамд дурдахад, АНУ, Европын холбооны албаныхан энэ долоо хоногт Лондон хотод энхийн хэлэлцээний асуудлаар уулзана. Энэ уулзалтад Украин оролцох төлөвтэй байна.