Өчигдөр буюу энэ оны дөрөвдүгээр сарын 21-ний өдөр 16 цагийн орчимд “Байшин шатаж байна, дотор нь байгаа хүүхдүүд гарч чадаагүй” гэх дуудлага, мэдээлэл цагдаагийн байгууллагад иржээ. Дуудлага, мэдээллийн дагуу шалгалтын ажиллагаа явуулахад иргэн “Б”-ын эзэмшлийн модон байшин шатаж, дотор нь байсан 3-5 насны гурван хүүхэд нас баржээ. Тодруулбал, Төв аймгийн Жаргалант суманд уг хэрэг гарчээ. Тухайн өдөр хүүхдүүдийн эцэг эх эзгүй байсан бөгөөд зургадугаар ангийн эгч нь нийттийн их цэвэрлэгээнд явах болсон тул 2-5 насны гурван дүүгээ гэрт нь цоожилж үлдээсэн байжээ. Мөн хүүхдүүдийн эцэг эхийн хувьд ээж нь дэлгүүрт суудаг бол аав нь төрийн албан хаагч гэнэ. Мөн л тэр өдөр аав нь Засаг даргын захирамжийн дагуу их цэвэрлэгээнд дайчлагдсан, ээж нь ажилтай байж таарсан. Тэр өдөр нөгөө л их цэвэрлэгээнээс бол цэцэрлэгийн эрхлэгчийн шийдвэрээр цэцэрлэг 15:00 цагт тарсан байсан талаар эх сурвалжууд мэдээлсэн байна.

Уг хэргийг Төв аймгийн цагдаагийн газар үргэлжлүүлэн шалгаж байна.

Эцэг эх, асран хамгаалагч та бүхэн хүүхдэдээ тавих хараа хяналтаа сайжруулах, бага насны хүүхдийг заавал харгалзах хүнтэй үлдээх, ахуйн хүрээнд учирч болохыг эрсдэлийг тооцоолж аюулгүй болгох, хаврын хуурайшилтын энэ үед галын аюулаас болгоомжлох зэргээр болзошгүй эрсдэлээс урьдчилан сэргийлнэ үү.