Ромын пап Францис өнөөдөр /2025.04.21/ 88 насандаа таалал төгслөө. Тэрээр өнөө өглөө орон нутгийн цагаар 07:35 цагт нас баржээ. Пап XVI Бенедикт суудлаас буусны дараа 2013 оны гуравдугаар сард пап Францис буюу Кардинал Жорж Марио Бергоглио тэрээр Католик сүмийн тэргүүнээр сонгогдож байв. Тухайн үед тэр хэдийнэ 70 нас гарсан байв.

Ромын пап Францис Католик сүмийг тэргүүлсэн он жилүүддээ тогтмол шинэчлэл хийдэг байсан ч уламжлалыг баримтлагчдын дунд ч нэр хүндээ алдаагүй.

Тэрээр Америк тивээс буюу бөмбөрцгийн өмнөд хагасаас ирсэн анхны пап лам байв. Сирид төрсөн III Григорийгоос хойших анхны Европын бус пап лам нь тэр байв.

Сүүлийн жилүүдэд түүний эрүүл мэнд сайнгүй байсан. Тэрээр хоёрдугаар сарын 14-нд гуурсан хоолойн үрэвсэл оноштойгоор эмнэлэгт хэвтсэн. Салватор Мунди олон улсын эмнэлэгт ажилладаг доктор Анна Лиза Билотта "Уушгины хатгалгааг эмчлэхийн тулд тэвчээртэй байж, эмчилгээ тодорхой үр дүнд хүрэхийг хүлээх хэрэгтэй. Нөхцөл байдал тогтвортой байгаа тул эмч нар өдөр бүр шинэ зүйл хэлж чадахгүй" гэж хэлж байв.

Дашрамд дурдахад, Ромын пап Францис тэрээр Монгол Улсын Ерөнхийлөгч У.Хүрэлсүхийн урилгаар 2023 оны наймдугаар сарын 31-нээс есдүгээр сарын 4-ний өдрүүдэд Монгол Улсад төрийн айлчлал хийсэн билээ. Энэ үеэрээ тэр "Монгол гэрт ормогц гэрийн орой дахь гэрэл гэгээ оруулж, тэнгэр огторгуйн гайхам сайхныг тольдон харуулдаг тооно бидний харааг булаадаг. Танай энэхүү уламжлалт аж төрөх байдал хараа дээгүүр, толгой цэх байх шалтгаан нөхцөл болж байна" гэж хэлж байжээ.