НАСА-ийн хамгийн ахмад сансрын нисгэгч Дон Петтит долоон сарын хугацаатай даалгаврын дараа эх дэлхийдээ буцаж ирэв. 70 настай тэрбээр Ням гаригт /2025.04.20/ Москвагийн цагаар 04:20 цагт, төрсөн өдрөөрөө Казахстанд газарджээ.

Түүнтэй хамт даалгавар гүйцэтгэсэн хоёр сансрын нисгэгч нь Алексей Овчинин, Иван Вагнер нарын орос нисгэгчид юм. Тэд Союз МС-26 хөлгөөр Казахстаны Зезказган хотод газардсан. Сансарт 220 өдрийг өнгөрөөхдөө тэд дэлхийг 3520 удаа тойрч, 150 сая гаруй км зам туулжээ.

Петтитийн хувьд дөрөв дэх удаагаа сансарт ниссэн нь энэ. 29 жилийнхээ карьерын туршид тэр 18 сар гаруйн хугацааг сансарт өнгөрүүлжээ. Петтит одоогийн байдлаар сансарт ниссэн хамгийн ахмад настан болоод байгаа ч өмнөх дээд амжилтыг өөр хүн эзэмшдэг байв. Тодруулбал, НАСА-ийн сансрын нисгэгч агсан Жон Гленн 1998 онд 77 насандаа сансарт нисч байжээ.

Петтит хүлээлтэд хүрч, хангалттай сайн ажилласан гэдгийг НАСА мэдэгдэв. Тэрбээр НАСА-д ажиллахдаа ус ариутгах технологи, 3D хэвлэх чадвар, янз бүрийн нөхцөлд ургамлын ургалт, бичил таталцлын нөлөөгөөр галын үйл ажиллагааг судлах зэрэгт цаг хугацаагаа зарцуулжээ.