Бразилийн ерөнхийлөгч Луис Инасио Лула да Силва ирэх тавдугаар сард Оросын ерөнхийлөгч Владимир Путинтэй Москвад уулзана. Уг уулзалтаас өмнө Хятадын дарга Ши Жиньпинтэй Бээжинд уулзахаар болжээ. АНУ-ын ерөнхийлөгч Дональд Трампийн нэмэлт тариф ногдуулах бодлогын дагуу Бразил улс мөн адил өргөн хэрэглээний бараанд импортын нэмэлт татвар төлөх болсон. Өнгөрсөн долоо хоногт Лула да Силвагийн ажлын алба татварын талаар мэдээлэл өгч байхдаа Хятад, Оросын удирдагчидтай уулзах болсныг мэдэгдсэн байна. Бразилийн ерөнхийлөгчийн тамгын газрын хэвлэлийн албанаас “Associated Press” агентлагт мэдээлснээр, дэлхийн хоёрдугаар дайнд нацист Германыг ялсны 80 жилийн ойд зориулсан тавдугаар сарын 9-нд болох арга хэмжээнд Лула да Силва оролцох төлөвтэй байна.

Мөн тэрбээр тавдугаар сарын 12-нд болох Хятад-Латин Америк, Карибын тэнгисийн орнуудын хамтын нийгэмлэгийн форумд оролцохоор Бээжинд очихоор төлөвлөжээ.

Бразилийн ерөнхийлөгчийн сонгуульд гурав дахь удаагаа өрсөлдөх боломжгүй Лула хоёр дахь бүрэн эрхийн хугацаандаа анх удаа Москвад албан ёсны айлчлал хийх юм. Харин Хятадад хийж буй хоёр дахь айлчлал нь болно. Өмнөх засаг захиргааныхаа хугацаанд /2003-2010/ Оросд хоёр удаа, Хятадад гурван удаа айлчилж байжээ.

Эх сурвалж: ASSOCIATED PRESS