Үндэсний статистикийн хорооноос Монгол Улсын нийгэм, эдийн засгийн өнгөрсөн сарын үзүүлэлтийг танилцуулсан байна. 

Аж үйлдвэрийн салбарын нийт үйлдвэрлэл 2025 оны эхний улирлын урьдчилсан гүйцэтгэлээр 7.9 их наяд төгрөг болж, өмнөх оны мөн үеэс 1.1 их наяд төгрөгөөр өсчээ.

Үүнд, уул уурхай олборлолт 857.6 тэрбум төгрөг, цахилгаан хий, уур, агааржуулалтын салбар 169.5 тэрбум төгрөгөөр тус тус өссөн нь голлон нөлөөлжээ.

Уул уурхай, олборлох аж үйлдвэрийн салбарын нийт үйлдвэрлэл 2025 оны эхний улирлын урьдчилсан гүйцэтгэлээр 5.5 их наяд төгрөг болж, өмнөх оны мөн үеэс 857.6 тэрбум төгрөгөөр өссөн байна. Ингэж өсөхөд металлын хүдэр олборлолт 614 тэрбум төгрөг, чулуун болон хүрэн нүүрс олборлолт 234.4 тэрбум төгрөгөөр тус тус өссөн нь голлон нөлөөлсөн байна.

Аж үйлдвэрийн салбарын борлуулсан бүтээгдэхүүн 2025 оны эхний улирлын урьдчилсан гүйцэтгэлээр 11.2 их наяд төгрөг болж, өмнөх оны мөн үеэс 1.1 их наяд төгрөгөөр буурсан. Үүнд, уул уурхай, олборлолтын салбарын борлуулалт 1.5 их наяд төгрөгөөр буурсан нь голлон нөлөөлсөн гэж Үндэсний статистикийн хорооноос мэдээлэв.