АНУ-ын ерөнхийлөгч Дональд Трампийн дэлхийн бүх улсад ногдуулсан нэмэлт тарифыг эсэргүүцсэн жагсаал, цуглаан, хөдөлгөөн өрнөж байна. Үүний нэг жишээ нь Мексик улсын эсэргүүцлээ илэрхийлж буй үйлдлүүд. Тодруулбал, тус улсын олон кафе эсэргүүцлээ илэрхийлж, "Americano" кофены нэрийг "Mexicano" кофе болгон өөрчилж, худалдаалж эхэлжээ. Орон нутгийн кафе эзэмшигчдээс энэхүү үйлдлээ тайлбарлахыг сэтгүүлчид хүсэхэд АНУ-ын бодлогыг эсэргүүцэж буйгаа үзүүлж буй хөнгөн хэлбэрийн зэргийн бослого гэж тодорхойлжээ. Кофены нэрийг өөрчилж буй уг үйлдлийг худалдан авагчид мөн адил дэмжиж, АНУ-ын хууль бус, бичиг баримтгүй цагаачдыг гэмт хэрэгтэн мэт үзэж буйг буруутгаж байна.

Мексикийн "Café Cicatriz" кафены эзэн Скарлетт Линдеман ярилцлага өгөхдөө "Americano" кофены нэрийг өөрчлөхийг дэмжиж байгаагаа илэрхийлжээ. Тэрбээр сэтгүүлчдэд хэлэхдээ, "Үг хүчтэй. Хэрэв хүмүүс Americano кофены нэрийг зүгээр л бэх шиг кофе гэж өөрчлөхийг хүсвэл би тэдний шийдвэрийг хүндэтгэх болно" гэжээ. Канад улсад мөн адил эсэргүүцлээ илэрхийлэх уриалга гарч байна. Тус улсын "Х" платформ хэрэглэгчид зарим кафед  "Americano"-г "Canadiano" болж өөрчлөгдсөн байсан тухай хуваалцжээ.