Зуслангийн замуудын нүхэн эвдрэлийг зунаас өмнө бүрэн засна гэв

Иргэдийн зүгээс нийслэлийн замуудад тэр дундаа зуслангийн чиглэлийн замуудад нүхэн эвдрэл их гарч, түүнийг огт засдаггүйг жил бүр шүүмжилдэг. Тэгвэл энэ жил зуслангийн чиглэлийн замуудад гарсан эвдрэлийг бүрэн засна гэдгийг нийслэлээс мэдээллээ.

Одоогоор Сүхбаатар дүүргийн 19 дүгээр хороо, Шаргаморьтын зуслангийн замын нүхэн эвдрэлийг засварлаж эхэлсэн байна. Цаашид зуслангийн бүсийн замын хөдөлгөөн эрчимжихээс өмнө бусад замуудыг үе шаттай засна гэдгийг албаныхан мэдээлэв.

Замын хөгжлийн газрын Засвар арчлалтын хяналтын хэлтсийн дарга О.Энхбаатар хэлэхдээ, нийслэлийн гол болон туслам замуудын засвар арчлалтын ажил Шаргаморьтын зуслангийн замаас эхлээд явж байна. Энэ хүрээнд эхний ээлжид зуслангийн чиглэлийн эвдрэлтэй замуудыг засварлана. Үүний дараа Гоодой, Шадивлан, Яргайтын зуслан, Их тамирын ам зэрэг зуслангийн бүсүүдийн замыг хөдөлгөөн ихсэхээс өмнө засварлахаар төлөвлөсөн. Хотын гол болон туслах замуудын шинэчлэлтийн хүрээнд 25 дугаар эмийн сангаас Амарсанаагийн уулзвар хүртэлх авто замын ажил эхэлсэн. Энэ жил мөн Чингисийн өргөн чөлөө, Энхтайваны өргөн чөлөө зэрэг олон жилийн насжилттай гол гудамж, замуудыг засаж шинэчилнэ. Зам хаах мэдээллийг тухай бүрд иргэдэд хүргэнэ гэлээ.

10 сэтгэгдэл

Хариулахаа болих

Нэргүй 1 минутын өмнө 66.181.182.221

Монголын зам бүгд там!!!! Хариуцлага ярьпаг болсон цагт хөгжил Одоо бүгд хулгаа.

Хариулах

Нэргүй 2 минутын өмнө 66.181.182.221

Цэргийн амралт орох зам там даа

Зочин 34 минутын өмнө 202.126.89.138

Сэлх Бэлх Дамбын замыг сайн засаарай

MGL 3 цагийн өмнө 14.1.81.185

Бугын амны зам там болоод удаж байна

Нэргүй 4 цагийн өмнө 103.212.119.64

Sanzain tsergiin amralt ordog zamyg zasalgui heden jil bolloo. Uul ni batlan hamgaalah yaamny tusvuur hiij guitsetgesen yum bainlee.
Ene jil zasna baih gej gunee naidaj baina.