Ираны дээд удирдагч Дээд удирдагч Аятолла Али Хаменеи АНУ-тай хийж буй цөмийн хэлэлцээрийн асуудлаар ОХУ-д төлөөлөгчөө илгээв. Тодруулбал, Ираны Гадаад хэргийн сайд Аббас Аракчи Пүрэв гаригт Москваг зорьсон бөгөөд Хаменеи Путинд захиа дайжээ.

АНУ-ын ерөнхийлөгч Дональд Трамп цөмийн хэлэлцээрээс болж Ираныг удаа дараа сүрдүүлсэн. Тэрбээр Ираныг бөмбөгдөнө гэж хэлснээс гадна зөвшилцөлд хүрч чадаагүй тохиолдолд Ираны газрын тосыг худалдаж авдаг гуравдагч орнуудад тариф ногдуулна гэсэн юм. АНУ, Ираны албаныхан өнгөрсөн долоо хоногт цөмийн хэлэлцээрийн асуудлаар Оманд уулзсан. Хоёр дахь уулзалт ойрын өдрүүдэд Ромд болох төлөвтэй байна.

Ираны эртний түнш, мөн 2018 оны хэлэлцээрт гарын үсэг зурж байсан орны хувьд ОХУ энэхүү цөмийн хэлэлцээрт чухал үүрэг гүйцэтгэдэг. Түүнчлэн Орос нь НҮБ-ын Аюулгүйн зөвлөлийн хориг тавих эрхтэй гишүүн орон.

Аббас Аракчи хэлэхдээ "Цөмийн асуудлаар бид Хятад, Орос найзуудтайгаа үргэлж ойр ярилцсаар ирсэн. Энэ удаад Оросын албаныхантай ярилцах сайхан боломж олдож байна" гэжээ.