О.АЛТАНГЭРЭЛ

Хууль зүй, дотоод хэргийн сайд

2025.03.19.

-Хувь хүний нууцтай холбоотой асуудал яригдаж байгаа учраас дэлгэрэнгүй ярих боломжгүй. Энэ хүрээнд шалгагдаж байгаа нэр бүхий хүмүүс 2024 оны зургадугаар сар, 2024 оны есдүгээр сараас эхлэн Эрүүгийн хуулийн тусгай зүйл ангиудаар шалгагдаж байсан гэх мэдээлэл байна. Одоог хүртэл шалгагдаж байна. Гэнэт болсон үйл явдал биш. Дээрээс нь цагдаагийн байгууллага улс төрийн заавраар ажиллаж байна гэж үзэж байгаа бол энэ үйл ажиллагааных нь үзүүрт улс төрийн ямар эрх ашиг байх юм бэ гэдгийг тогтоох ёстой.

Цагдаагийн байгууллагаас өчигдөр олон нийтэд хандаж мэдээлэл өгсөн. Энэ бол нэг алба хаагч гараад ярьсан зүйл биш.

Хэрвээ цагдаагийн байгууллагын өгсөн мэдээлэл дунд буруу ташаа мэдээлэл байвал Эрүүгийн хуульд заасан гэмт хэрэг болно. Эрүүгийн хэрэг хянан шийдвэрлэх ажиллагаа бол бүх процесс нь хуульд заасан журмын дагуу явагддаг. Энд нэг л хазгай гишгэвэл хууль зөрчдөг. Энэ ажиллагааг хийсэн хүн нь эрүүгийн хариуцлагад татагддаг. Тэгэхээр цагдаагийн байгууллагаас өгсөн мэдээлэл бол ардаа хариуцлагатай гэдгийг мэдэгдье.

Хойшлуулашгүй ажиллагааг Эрүүгийн хуулийн дагуу яг тухайн нөхцөл байдалд үйл ажиллагаа явуулж, баримт нотолгоо цуглуулдаг. Цагдаагийн байгууллага өдөрт хэдэн арваараа, сард хэдэн зуугаараа хийдэг ажил. Нэг удаа хийсэн ажил биш.

2025.03.24. 

-Мэдээллийг маш их гуйвуулж байгаа учир цаашид цагдаагийн байгууллага мөрдөн шалгах ажиллагаатай холбоотой шаардлагатай мэдээллийг өгнө.

О.АЛТАНГЭРЭЛ

Хууль зүй, дотоод хэргийн сайд

2025.04.03.

-"Төгрөг нуурын орд" гадаадад зарагдсан байсан ч стратегийн ордод хамруулж, төрд тодорхой хувийг авах ёстой. Төгрөг нуурын орд зарагдсан гэж байна. Тэглээ гээд больж хаяхгүй шүү дээ. Хүн юм аа хулгайд алдчихаад "өө өөр хүнд зарчихсан юм байна, авахаа болъё" гэдэггүй биздээ.

Хэчнээн олон улсын биржид гарсан байсан ч хэлцэл хийх ёстой. 

Ард түмэн хувиа олж авах ёстой. 

2025.04.11.

-Би мэдээлэл өгөхгүй байх эрхтэй биз дээ. Би энэ ордын талаар ярихгүй.