Олон нийтийн цахим хуудаст Сүхбаатар дүүрэг 11 дүгээр хорооллын орчимд оройн цагаар хутгатай, багтай этгээд бусдыг айлган сүрдүүлж байна гэх мэдээлэл нийтэлжээ. Багтай этгээдийг саатуулсан эсэх талаар цагдаагийн байгууллагаас тодрууллаа.

ЦЕГ-аас өгсөн мэдээллээр, тус мэдээллийг Сүхбаатар дүүргийн цагдаагийн нэгдүгээр хэлтэс шалгаж байгаа гэв.

Иргэний цахим хуудаст бичсэн мэдээлэлд "Шөнө орой болгоомжтой байхгүй бол манай энэ хавиар (11-р хороолол) хутгатай, 20 орчим насны залуу хүн амьтан айлгаж, дайрч байна гэнэ шүү" хэмээн нийтэлжээ.