УИХ-ын гишүүн асан Г.Амартүвшин 2020 оны сонгуульд МАН-аас нэр дэвшиж, сонгогдсон байдаг. Түүнийг олон нийт "Шарк" Г.Амартүвшин гэдгээр нь сайн мэднэ. Тэрбээр "Эрчист Монгол” ХХК-ийн гүйцэтгэх захирлаар томилогдсон байна.

Тэрбээр сүүлд 2020 оны зургадугаар сард УИХ-ын гишүүнээр сонгогдон ажилласан бөгөөд АТГ-т хамгийн сүүлд 2023 онд хөрөнгө орлогоо мэдүүлжээ.

Түүний жилийн нийт орлого нь 141 сая төгрөг бол гэр бүлийн нийт гишүүдийн орлого нь 379 сая төгрөг гэж мэдүүлсэн байна.

Харин дөрвөн нийтийн орон сууцтай бөгөөд хоёр авто зогсоолтой бөгөөд нийт 6.8 тэрбум төгрөгийн үнэтэй ажээ. Мөн жийп болон туулах чадвар өндөр "Nissan, Patrol" маркийн автомашины нийт үнэлгээ нь 170 сая төгрөг гэнэ. Мөн тэрбээр 170 толгой сайн үүлдрийн ямаатай, 500 сая төгрөгийн үнэт эдлэлтэй, дотоодын банкинд 91 сая төгрөгийн хадгаламжтай, 549 сая төгрөгийн авлагатай гэж хөрөнгө орлогын мэдүүлэгтээ мэдүүлснээс хойш хоёр жил өнгөрчээ. Тэрбээр "Эрксис Монголиа" ХХК, "Вла Монголиа" ХХК, "Тэгш булан" ХХК, "Амар асар" ХХК, "Уяач апп" ХХК, "Би Ди Нолар" ХХК, "Монгол сийлбэр" ХХК, "Тэгш Тайшир групп" ХХК, "Вонтайм" ХХК-д хөрөнгө оруулалт хийсэн байна.

Засгийн газар дэргэдээ уул уурхай компаниудын нэгдэл буюу “Эрдэнэс Монгол” нэгдэл, уул уурхайн бус үйл ажиллагаа явуулж байгаа төрийн өмчит компаниудын нэгдэл буюу “Эрчист Монгол” гэсэн хоёр нэгдлийн хүрээнд төрийн өмчийн компаниуд үйл ажиллагаа явуулна. Тодруулбал, уул уурхайн бус компаниуд Төрийн өмчийн корпорацитай нийлээд эхлэхээр эрчим хүч, банк санхүү, зам тээвэр, бусад салбар гэсэн дөрвөн салбартай байх талаар ЗГХЭГ-ын дарга Н.Учрал мэдээлж байв. "Эрчист Монгол" компанийн харьяанд төрийн өмчит ямар газруудыг багтаасныг доор танилцуулъя.