Хятад улс АНУ-аас импортлох бараа бүтээгдэхүүнд 84 хувийн хариу татвар ногдуулсны хариуд Трамп Хятадын бараанд ногдуулах татвараа 145 хувьд хүргэв. Ердөө 24 цагийн өмнө Трамп Хятадад 125 хувийн татвар ногдуулаад байсан.

Трамп сүүлийн шийдвэрийнхээ талаар ярихдаа "Тарифын өөрчлөлт шилжилтийн асуудал үүсгэж магадгүй. Шилжилтийн зардал, шилжилтийн асуудал гарах болно. Гэхдээ эцэст нь бүх зүйл сайхан болно" гэсэн юм.

Дашрамд дурдахад, Трамп бусад улсад ногдуулсан ихэнх шинэ тарифаа 90 хоногийн хугацаатай түр зогсоов. Энэ хугацаанд харилцан тарифын хэмжээг 10 хүртэл хувиар бууруулж буйгаа мэдэгджээ. Энэ шийдвэр нь Лхагва гаригийн оройноос эхлэн шууд хэрэгжиж байгаа аж. 10 хувийн тарифт Европын холбоо багтана. Улс орнууд дор бүрнээ Трампийн засаг захиргаатай хэлэлцээ хийж байгаа тул 90 хоногийн хугацаа дуусахад юу болох нь тодорхойгүй байна.