"PGL Бухарест" тэмцээний тав дахь өдрийн тоглолтууд өчигдөр/2025.04.10/ боллоо. Энэ өдөр Монголын "The MongolZ" баг Саудын Арабын "Falcons" багтай тоглов. Хоёр багийн хожсон нь плей-оффын шат руу шалгарч, хожигдсон нь Бухарест дахь аяллаа өндөрлүүлэх байсан юм.

Тоглолт эхлээд "Mirage" мап дээр болоход "The MongolZ" баг 13-9 гэсэн харьцаатай илүүрхсэн ч "Dust2" мап дээр "Falcons" хариугаа авч, цувралын харьцааг тэнцүүлэв. Улмаар шийдвэрлэх мап "Ancient" хоёр баг эн тэнцүү тоглолтыг үзүүлж, "Falcons" 12-10 гэсэн харьцаатай тэргүүлж байсан ч "The MongolZ" 12-12 болгон тэнцүүлж чадсан. Харамсалтай нь, нэмэлт цаг дээр туршлагатай "Falcons" баг 16-14 гэсэн харьцаатай хожсоноор плей-оффын эрхээ авчээ.

Ийнхүү "PGL Бухарест" тэмцээний плей-оффд өрсөлдөх найман багийн нэрс бүрэн тодров. "G2", "Virtus.pro", "Aurora Gaming", "Complexity", "GamerLegion", "Team Falcons", "FaZe Clan", "3DMAX" багууд аваргын төлөө өрсөлдөнө.