“Тэнгисийн эрэг дээрх 24/7” шоу нэвтрүүлгийн II улирал үзэгчдэд хүрч байгаа. Эхний дугаарууд цацагдаж эхлэх үед үзэгчдийн зүгээс эрэгтэй оролцогчдод сэтгэл хангалуун бус байгаагаа илэрхийлж, шүүмжлэлтэй хандаж байв. Харин сүүлийн дугаарууд шоуны фенүүдийг багагүй шуугиулсан бөгөөд ялангуяа шинэ оролцогч Б.Нацаг олны хайр, хүндлэлийг хүлээж буй юм. Тэгвэл Б.Нацагтай болзоонд явж, харилцаа үүсгэж байсан Амраа буюу А.Амаржаргал хасагдсан нь үзэгчдийн урмыг хугалсан юм. Хувийн шалтгааны улмаас гэх боловч түүний хасагдсан шалтгааны талаар үзэгчид цахим орчинд өөр өөрийн таамгыг дэвшүүлсээр байгаа. Оролцогч Амраагийн хувьд санхүүч мэргэжилтэй бөгөөд 2020 оноос Тайвань улсын “Рок рекорд”-той таван жилийн хугацаатай соло артистын гэрээ байгуулснаас хойш одоог хүртэл уран бүтээлээ туурвисаар байгаа юм.

Харин олны шүүмжлэл, дургүйцлийг хүргэсэн бас нэгэн оролцогч байсан нь Төгсөө. Тэрбээр өнгөрсөн 7 хоногийн дугаарт шоунаас хасагдсан юм. Түүний өөрийгөө хэт магтах, хэлсэн нь үйлдлээсээ зөрж байгаа зэрэг үйлдлүүд нь үзэгчдийн шүүмжлэлд өртөх шалтгаан болжээ. Б.Төгс-Итгэлт буюу Төгсөө БНСУ-ын Ёнсэй их сургуульд сурдаг бөгөөд мөн загварын ертөнцөд хөл тавьж моделийн чиглэлээр ажиллаж байна.

Мартсанаас долоо хоног бүрийн лхагва гарагт шинэ дугаарууд LookTV дээр ордог тул телевизийн шууд дамжуулалтаас хасагдсан нууц хэсгүүдийг ч бас үзэх боломжтой. Өнөөдрийн дугаарт шинэ оролцогчид нэмэгдэх тул тэднийг ямар адал явдал хүлээж байгааг хамтдаа харах л үлдлээ.