"Япон улс Оросын эсрэг найрсаг бус байр суурьтай байгаа тул дэлхийн хоёрдугаар дайныг албан ёсоор дуусгах удаан хүлээсэн энхийн гэрээний талаар тэдэнтэй хэлэлцэх үндэслэл байхгүй" гэж Кремль Мягмар гаригт мэдэгдэв. Орос, Япон улсууд дэлхийн хоёрдугаар дайны үеийн дайсагналаа албан ёсоор дуусгасан гэрээнд хэзээ ч гарын үсэг зураагүй билээ.

Зөвлөлтийн цэргүүд дэлхийн хоёрдугаар дайны төгсгөлд Японы Хоккайдо арлын ойролцоох дөрвөн арлыг хяналтдаа авсан. Эдгээр арлыг ОХУ Курилын арлууд гэж нэрлэдэг бол Япон Хойд нутаг гэж нэрлэдэг. Газар нутгийн маргаан нь гэрээнд гарын үсэг зурах ахиц дэвшилд саад болж байгаа аж.

Энэ талаар Кремлийн хэвлэлийн төлөөлөгч Дмитрий Песков сэтгүүлчдэд мэдээлэл өгөхдөө "Одоогоор Японы эрх баригчидтай холбоо тогтоогоогүй байна. Япончууд манай улс руу чиглэсэн найрсаг бус, дайсагнасан алхам бүхэнд нэгдэх гэж яарсан гэдгийг та нар мэдэж байгаа. Украин дахь цэргийн ажиллагааны төлөө Оросыг шийтгэх гэж Япон барууны хориг арга хэмжээнд нэгдсэн. Бодит байдал болон хориг арга хэмжээг харгалзан үзвэл Японтой ямар нэгэн хэлэлцээрийн талаар ярих боломжгүй" гэжээ.