Өнгөрсөн амралтын өдөр ачилтын машины жолооч, иргэд хоорондоо маргалдаж байгаа бичлэг цахим хуудаст хэд, хэд нийтлэгдсэн. Цагдаагийн байгууллагаас уг асуудлыг бүртгэлд авч, нөхцөл байдлыг тодруулахаар шалгалтын ажиллагааг явуулж байна гэдгийг мэдээлж байв. Тодруулбал, цагдаагийн байгууллагаас ачилтын машины жолоочтой холбоотой нэг зөрчлийг бүртгэлд авч, ачилтын машины жолоочийг хэрүүл маргаан үүсгэж, олон нийтийг үл хүндэтгэн танхайрсан үйлдэлд зөрчил шалан шийдьвэрлэх ажиллагааг явуулж харьяа дүүргийн анхан шатны шүүхэд шилжүүлсэн байна.
Улмаар шүүхээс тухайн этгээдийг Зөрчлийн тухай хуулийн 5.2 дугаар зүйлд заасны дагуу 100 нэгжээр торгон ял оноожээ.
Улаанбаатарт "Ачигч автомашинуудын нэгдсэн холбоо"-нд албан ёсны зөвшөөрөлтэй 14 ачигч автомашины компани бүртгэлтэй байдаг. Машин ачилтын компанийн журам, төлбөрийн талаар "Ачигч автомашинуудын нэгдсэн холбоо"-ны удирдлага Н.Даваанямаас өмнө нь тодруулахад "Хууль зүй, дотоод хэргийн сайдын баталсан А/101 журам гэж бий. Журамд иргэдийн автомашиныг цагдаагийн албан хаагчийн зөвшөөрлөөр ачна гэж тусгасан байгаа. Гэхдээ цагдаагийн албан хаагч хамт явахгүй. Тухайн автомашины орчин, нөхцөл байдлыг цахимаар хянан шийдвэрлээд торгуулийн арга хэмжээ авахаар бол авна. Ачих шаардлагатай бол ачих зөвшөөрлийг олгосны дараа тээврийн хэрэгслийг зөөж шилжүүлнэ.
Зөөж шилжүүлэхийн өмнө чанга яригчаар гурван удаа зарлана.
Тээврийн хэрэгслийн урд талын шилэнд байгаа утасны дугаар руу мессеж бичнэ. Таны машиныг ийм заалтаар, энэ журмын хашаа руу зөөж шилжүүллээ гэж бичдэг. Хууль зүй, дотоод хэргийн сайд журамдаа юу гэж заасан байна. Тэр журмын дагуу л ажилладаг. Шилжүүлэхгүйгээр торгох эрх нь цагдаад бий. Бидэнд зөвшөөрөл өгвөл тухайн тээврийн хэрэгслийг ачиж шилжүүлдэг" гэдгийг хэлж байсан юм.
Нэргүй 2025-04-07 103.212.118.168
Хэр олон машин хулгайлна тэр өдрийн цалин орлого нэмэгдэнэ гэдэг зарчмаар ажиллах ашгийн дээрэм хийсээр байх уу
зочин 2025-04-07 103.212.119.155
АВТОБУСНЫ БУУДАЛД ЗОГССОН МАШИНУУДЫГ АЧИХ ХЭРЭГТЭЙ БАЙНАА. ТҮҮНЧЛЭН
ОРЦ ТАГЛАЖ ЗОГСООД БҮТЭН САР БОЛЖ БАЙГАА МАШИН БАЙНА. АЧИХ ХЭРЭГТЭЙ.
АЧИЛТЫГ ДЭМЖДЭГ. ХЭТЭРХИЙ ДЭЛ СУЛ БАЙЖ СУРСАН БАЙНА АВТОМАШИН ЭЗЭМШИГЧИД.
Нэргүй 2025-04-07 66.181.189.254
Ачилтын компаниудын хашааг хураа
Нэргүй 2025-04-07 66.181.184.250
Журам, шунал хоёр хоршихгүй байгаа. Машины зогсоол олдохгүй харин журмын хашаа гэж хотын ххмгийн том талбайнуудыг хашсан…
Нэргүй 2025-04-07 122.201.19.61
Нэг хүн машинаа буруу байрлуулсаны төлөө нийт олны амгалан тайван байдлыг алдагдуулж, гудамж талбайд чанга яригчаар зарлах нь буруу.