Украины засгийн газрын албан тушаалтнууд Осака хотод болох "World Expo"-д оролцох тухайгаа зарлав. Тус улсын зүгээс уг үзэсгэлэнд Оросын түрэмгийллийн үеийн амьдралыг харуулсан эд зүйлсийг дэлгэхээр төлөвлөж байна. Украины Эдийн засгийн яам "Борлуулахгүй" гэх нэрийн дор павильон нээж, энэ нь Украины ардчиллыг худалдах, худалдаж авах боломжгүй гэдгийг илэрхийлэх болно гэж Баасан гаригт (2025.04.04) Киевт болсон хэвлэлийн бага хурал дээр мэдэгдэв. Үзэсгэлэнд ОХУ-ын довтолгоонд өртсөн эрчим хүчний байгууламжийг сэргээх ажилд ашигласан эвдэрсэн дуулга, далан нурсны дараа ашигласан аврах завь зэрэг 18 зүйл дэлгэгдэнэ. Мөн бараа тус бүр дээр байх бар кодыг уншуулж, тэсрэх бөмбөгний хоргодох байранд сурч буй хүүхдүүд гэх мэт дүрс бичлэгийг үзэх боломжтой.

Эдийн засгийн дэд сайд Тетьяна Бережна хэлэхдээ, энэхүү үзэсгэлэн бол украинчууд юуг туулж, яагаад хүчирхэг байгааг харуулах сайхан боломж гэжээ. Японоос Украинд суугаа элчин сайд Накагоме Масаши хэлэхдээ, уг үзэсгэлэнд хүрэлцэн ирсэн зочид сүүлийн гурван жилийн хугацаанд Украин улс юу туулсан талаар илүү гүнзгий ойлголттой болно гэж найдаж байна гэсэн байна.

"Осака 2025" үзэсгэлэн дөрөвдүгээр сарын 13-нд нээлтээ хийнэ.