УИХ-ын чуулганы нэгдсэн хуралдаанаар Зөвшөөрлийн тухай хуульд нэмэлт, өөрчлөлт оруулах тухай хуулийн төслийг хэлэлцэж байна. Хуулийн төслийн агуулга нь төлбөрт таавар, бооцоот тоглоом, цахим мөрийтэй тоглоомыг бүхэлд нь хориглох тухай юм. Энэ үеэр УИХ-ын гишүүн С.Бямбацогт "Цахим мөрийтэй тоглоомыг анхаарч үзэх цаг нь болсон. Сүүлийн  таван жилд 1.3 тэрбум ам.доллар буюу 4.5 их наяд төгрөг гараад явчихсан байна" гэдгийг УИХ-ын чуулганы нэгдсэн хуралдаанаар хэллээ. Тэрбээр "Цахим мөрийтэй тоглоомыг анхаарч үзэх цаг нь болсон.

Үүнийг маш энгийнээр тооцож тайрлахад, приус машин 30 сая төгрөгийн үнэтэй гэж үзвэл 150 мянган приус машинтай тэнцэх хэмжээний мөнгө гадагшаа гараад явчихаж. Өөрөөр хэлбэл, 150 мянган айл өрх машингүй болчихож. Орон сууцаар тооцвол, 100 сая төгрөгийн үнэтэй 45 мянган орон сууц буюу 45 мянган айл мөрийтэй тоглоомын үр дүнд орон гэргүй болсон гэсэн үг. Өнгөрсөн 2024 онд 500 сая ам.доллар гарсан гэж байна. Энэ нь 50 мянган приус машин. Ийм л ноцтой асуудал учраас хууль баталж хориглох нь зөв" гэлээ.