Дональд Трамп Цагаан ордны Үндэсний аюулгүй байдлын зөвлөлийн хэд хэдэн ажилтныг Пүрэв гаригт ажлаас нь халжээ. Тэрбээр хэт барууны үзэлтэй идэвхтэн Лаура Лумертай уулзсаныхаа дараа энэ шийдвэрийг гаргасан юм. Трамп, Лумер нарын уулзалтад Ажлын албаны дарга Сюзи Уайлс, Үндэсний аюулгүй байдлын зөвлөх Майк Вальц нарын ахлах албан тушаалтан байлцжээ.

Халагдсан хүмүүсийн дунд хоёр хаяж гурван өндөр албан тушаалтан байгаа аж. Тэдгээр нь Тагнуулын ахлах захирал Брайан Уолш, Хууль тогтоох асуудал эрхэлсэн ахлах захирал Томас Будри, Технологи, үндэсний аюулгүй байдлын ахлах захирал Дэвид Гейт нар юм. Энэ ажилтнууд Трампийн мөрийн хөтөлбөрийг хангалттай биелүүлээгүй гэж Лумер мэдэгдсэн байна.

Лаура Лумер энэ уулзалтынхаа талаар жиргэхдээ "Ерөнхийлөгч Трамп болон Зууван танхимд болсон явдлын талаарх нууцыг дэлгэхгүй. Ерөнхийлөгч Трамптай уулзаж, судалгааныхаа үр дүнг танилцуулах нь нэр төрийн хэрэг байлаа. Би түүний мөрийн хөтөлбөрийг дэмжихийн тулд шаргуу ажиллах болно. АНУ-ын ерөнхийлөгч болон үндэсний аюулгүй байдлыг хамгаалахын тулд шалгалт хийх нь чухал бөгөөд шаардлагатай. Үүнийг би дахин дахин хэлэх болно" гэв.