СЭМҮТ 1.7 тэрбум төгрөг нөхөн төлөх шийдвэрийг хүчингүй болгожээ

СЭМҮТ 1.7 тэрбум төгрөг нөхөн төлөх шийдвэрийг хүчингүй болгожээ

СЭМҮТ 1.7 тэрбум төгрөг нөхөн төлөх шийдвэрийг хүчингүй болгожээ
Сэтгэцийн эрүүл мэндийн үндэсний төв /СЭМҮТ/-ийн удирдлагууд хоёр жилийн хугацаанд эмч, мэргэжилтнүүдийн цалинг олголгүй, хууль бусаар хасалт хийж байгаа талаар бид өмнө нь мэдээлсэн. Тодруулбал, СЭМҮТ-ийн ээлжийн ажилтнуудын цагийг тооцохдоо 2023 оны нэгдүгээр сараас эхлэн Хөдөлмөрийн тухай хуулийг зөрчин хоёр цагаар тооцож нийт ээлжинд гарч байгаа ээлжийн сувилагч, туслах сувилагч, жижүүр гэх зэрэг 150 гаруй ажилтны цалин хөлсийг дутуу бодож байгаа асуудал гарсан. Тэгвэл тус гомдлын дагуу Хөдөлмөр, халамжийн үйлчилгээний ерөнхий газраас /ХХҮЕГ/ тус эмнэлэгт хяналт, шалгалт хийжээ. Улмаар, СЭМҮТ-ийн шөнийн нэмэгдэл хөлс олгоогүй зөрчилд, Зөрчлийн тухай хуулийн 10.16 дугаар зүйлийн 9.2 дахь хэсэгт заасны дагуу 5000 нэгжтэй тэнцэх хэмжээний төгрөгөөр торгох шийтгэл оногдуулжээ.
Түүнчлэн ээлжийн ажилчдын ажилласан шөнийн цагийн нэмэгдэл 1,692,247.093 /Нэг тэрбум зургаан зуун ерэн хоёр сая хоёр зуун дөчин долоон мянга ерэн гурав/ төгрөгийг төлүүлэхээр шийдвэрлэсэн байна.

Харин СЭМҮТ-ийн удирдах зөвлөлөөс, СЭМҮТ бол 1929 оноос хойш үйл ажиллагаа явуулж байгаа 95 жилийн түүхтэй байгууллага. Уг хугацаанд 100 хувь төрөөс санхүүждэг байсан. Манай байгууллага 2020 оноос хойш эрүүл мэндийн даатгалын газрын санхүүжилтэд шилжсэн. Санхүүжилт нэмэгдсэн ч гэсэн нийт орлогын 85 хувийг цалинд зарцуулдаг. Хөдөлмөрийн улсын байцаагчийн гаргасан дүгнэлтийн 1,7 тэрбум төгрөг олгох санхүүгийн боломж байхгүй.

Хөдөлмөрийн тухай хуульд шөнийн цагийн нэмэгдлийг найман цагаар олгоно гэсэн заалт байхгүй байсан. Манай байгууллага шөнийн цагийн нэмэгдлийг хоёр цагаар бодож олгодог байсан ба удирдлагын зөвлөлөөр хуралдаж хоёр цаг нэмж нийт шөнийн цагийн нэмэгдлийг дөрвөн цаг болгож өөрчилсөн.

Өөрсдийн төсвийн хүрээнд нэмсэн. 1,7 тэрбум төгрөгийг бодохдоо шөнийн нэмэгдэл хөлсийг найман цагаар бодсон гэж ойлгож байна. Мөн таван сая төгрөгийн торгууль оногдуулсан нь үндэслэлгүй гэж үзэж байна гэх байр суурийг илэрхийлжээ. Улмаар ХХҮЕГ-аас гаргасан актийг хүчингүй болгохоор шүүхэд гомдол гаргасан байна.

Тус гомдлын дагуу Захиргааны хэрэг шүүхэд хянан шийдвэрлэх тухай хуулийн 106 дугаар зүйлийн 106.1, 106.3, 106.3.1, 106.3.12 дахь хэсэгт заасныг удирдлага болгон Хөдөлмөрийн тухай хуулийн 2 дугаар зүйлийн 2.3.5, 4 дүгээр зүйлийн 4.1.7, 31 дүгээр зүйлийн 31.4, 33 дугаар зүйлийн 33.1, 37 дугаар зүйлийн 37.1, Зөрчлийн тухай хуулийн 10.16 дугаар зүйлийн 9.2 дахь хэсэгт заасныг тус тус баримтлан ХХҮЕГ-ын Хөдөлмөрийн хяналтын улсын байцаагчийн зөрчилд шийтгэл оногдуулсан шийтгэлийн хуудас болон,“Шөнийн нэмэгдэл хөлсийг нөхөн олгуулах тухай” актыг тус тус хүчингүй болгож шийдвэрлэсэн байна.

Эргэн сануулахад, СЭМҮТ-ийн үйлдвэрчний эвлэлээс "шөнийн цагаар ажилласан цалинг дутуу олгохдоо манай байгууллагын удирдлагын зөвлөл ямар ч тушаал, шийдвэр хүргүүлээгүй. Яагаад ингэж олгож байгаа талаараа ажилтандаа тайлбарлаж, мэдээлэл өгөөгүй. Бид үүнийг санамсаргүй байдлаар Монголын үйлдвэрчний эвлэлийн холбооноос цалингийн талаар сургалт авч байгаад мэдсэн. Цааш нь судлаад үзтэл нийт 300 гаруй ажилчдын шөнийн цалин дутуу олгогдсон ийм нөхцөл тогтоогдсон. Түүнчлэн хүлээн авах яаралтай түргэн тусламжийн тасгийн жижүүрт хонодог сувилагч нарын шөнийн цагийн цалинг огт олгоогүй байсан. Эдгээр хүмүүсийн 16 сарын хугацаанд дутуу олгосон шөнийн цагийг тооцоод үзвэл хамгийн их нь 1016 цагийн цалинг огт аваагүй байна. Бидний хувьд ажлын ачаалал ихтэй. Байнгын сэрүүн, сонор сэрэмжтэй байх шаардлагатай байдаг. Гэтэл эдгээр хүнд хөдөлмөр эрхэлдэг хүмүүсийн шөнийн цагийг хасчихаад, анхнаасаа ийм байсан мэтээр ярьж байгаа нь ёс зүйгүй санагдаж байна. Өнөөдрийн энэ асуудалд холбогдож байгаа удирдлагууд тухайн шөнийн цаг олгогдохоо больж эхэлсэн 2023 оны нэгдүгээр сард ажилд орсон. Тиймээс яамнаас яаралтай хариу арга хэмжээ авахыг хүсэж байна" гэх байр суурийг илэрхийлж байсан юм. Мэдээллийн дэлгэрэнгүйг ЭНД дарж уишина уу.
Энэ мэдээнд өгөх таны сэтгэгдэл?
6
ЗөвЗөв
3
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Нэргүй 8 цагийн өмнө 202.126.91.128

Халамж авагсдын 99 хувь нь өөрсдийгөө шизофренитэй гэж жүжиглэдэг гуйлгачид юм. Улсын мөнгийг эдгээр гуйлгачдад өгдөг СЭМҮТ-ийн их эмч нар чадваргүй ба тэд гуйлгачдын хэлсэн болгонд итгээд байдаг юм. Туслах сувилагч гэж цол авсныхаа төлөө энэ эмнэлгийн асрагчид өвчтөнүүдээр үүрийн 6 цагт бүх өрөө ба жорлонгийн цэвэрлэгээ хийлгэдэг ба өөрсдөө нэг анхаарах өрөөг манаж ба үүд онгойлгодог ажилтай.

Avatar

Зочин 2025-04-04 202.126.90.169

СЭМҮТ нь жирийн нэг эмнэлэг бус ажиллах нөхцлийг онцгой анхаарах шаардлагатай мэт санагдсан шүү …

NewsMN Гар утасны хувилбар Татах
NEWS.mn

Мэдээллийн эх сурвалж