Төрийн байгууллагуудын хэмнэлтийн горим зөвхөн уриа лоозон төдий байсныг сүүлийн үеийн улс төрийн томилгоонууд харуулж буй.  Засгийн газар нэг амаараа төрийн албаны цомхотгол ярьж, нөгөө гараараа шинэ томилгоо үйлдвэрлэсээр.  Хамтарсан засгийн бялуу хуваалтыг МАН, АН-ынхан ч өөрсдөө эсэргүүцэх болсон.

БЭТ, бүтээмж хариуцсан менежер, хяналтын менежер гэх мэтчилэн хэрэгтэй, хэрэггүй албан тушаал бий болгож "шахаа"-ны хүмүүсийг томилох болсон төсөвт том дарамт болох нь гарцаагүй. Нийтдээ 400 хүнийг бүтээмж, хяналтын менежер болгохоор тохиролцсон байна.

Засгийн газрын 311 дүгээр тогтоол, нийслэлийн Засаг даргын 1106 захирамжийн дагуу байгууллагын үйл ажиллагааны дотоод үйл ажиллагааг хянах нэгж, ажилтан гэж угаас байдаг. Үүнд бүх зохицуулалтыг хийсэн байдаг. Ийм байхад хяналтын менежер, бүтээмж хариуцсан менежер зэрэг давхардсан чиг үүрэгтэй местийг бий болгох нь хэний эрх ашиг вэ.

“Тамхины цэг”-ийн мэдээллээр 23 төрийн өмчит компанид 250-350 менежер шинээр томилогдож байгаа гэх. Бүтээмж хариуцсан менежер, хяналтын менежерүүд дунджаар зургаан сая төгрөгийн цалинтай. Энийг жилээр тооцоолохоор овоо өндөр дүн гарна. Тухайлбал, өмнөх парламентын гишүүдээс УИХ-ын гишүүн асан М.Оюунчимэг “Монголросцветмет” ТӨҮГ-ын орлогч даргын статус бүхий бүтээмж хариуцсан менежерээр томилогдоод байна. Харин хяналтын менежерт Арчилсан намаас томилгоо оржээ.

“Дарханы төмөрлөгийн үйлдвэр” ТӨХК-нд хяналт хариуцсан менежерээр ХҮН намын тодотголтой, 2024 оны УИХ-ын сонгуулийн зургадугаар тойрогт тус намаас нэр дэвшиж байсан Д.Баярбилэг, бүтээмж хариуцсан менежерээр АН-ын тодотголтой Г.Одхүү нар томилогджээ. Мөн “Эрдэнэт” ТӨҮГ-т бүр дөрвөн менежер томилогдсон. УИХ-ын сонгуулийн 10 дугаар тойрогт нэр дэвшиж байсан АН-ын И.Мөнхжаргал нарын улс байх жишээний. Сүүлийн өдрүүдэд хийсэн энэ мэт томилгоотой холбоотойгоор олон нийтээс шүүмжлэлтэй байр суурийг илэрхийлсээр байна.

А.СҮРЭН