Маск тойрог замаас бүрмөсөн гарахгүй

Маск тойрог замаас бүрмөсөн гарахгүй

Маск тойрог замаас бүрмөсөн гарахгүй

Дональд Трамп хоёр дахь бүрэн эрхийн хугацаагаа эхлүүлмэгцээ Засгийн газрын үр ашгийн хэлтэс байгуулж, удирдлагаар нь тэрбумтан Элон Маскийг томилсон билээ. Маск, Трамп нарын хамтрал, гаргасан шийдвэрүүд олны эгдүүцлийг төрүүлж, жагсаал цуглаан хүртэл өрнөх болсон.

Тэгвэл Трамп Пүрэв гаригт ойрын хүрээллийнхэндээ Маск хэдэн сарын дараа улс төрийг орхино гэж мэдэгджээ. Тэрбээр "Маск гайхалтай. Гэхдээ түүнд хариуцаж ажиллуулах ёстой олон компани бий" гэсэн байна.

Трампийн засаг захиргаа улам л урьдчилан таамаглах аргагүй болсонд бухимдсан олон энэ мэдэгдлийн дараа тайвширч, санаа амарчээ. Гэхдээ нэрээ нууцалсан өндөр албан тушаалтан "Маск албан бусаар ерөнхийлөгчид зөвлөж, Цагаан ордны эргэн тойронд байсаар л байх болно. Маскийг тойрог замаас бүрмөсөн гарлаа гэж бодож байгаа хэн бүхэн өөрийгөө хуурч байна" гэжээ.

Трамп ирэх жилийн завсрын сонгуульд илүүтэй анхаарч, эрсдэл хүсэхгүй байгааг өөр нэгэн эх сурвалж хэлсэн байна.

Элон Маскаас сэтгүүлч "Төрийн тусгай албан хаагчийн статусаа дуусмагц ажлаас гарахад бэлэн байгаа юу?" гэж асуухад "Бид энэ хугацаанд алдагдлыг нэг их наяд ам.доллараар бууруулахад шаардагдах ихэнх ажлыг гүйцэтгэсэн гэж бодож байна" гэжээ.

Маск Трампийн засаг захиргааг орхиж магадгүй гэх мэдээлэл Лхагва гаригт анх гарсан. Энэ мэдэгдлийн дараа Цагаан ордны хэвлэлийн төлөөлөгч Кэролин Левитт "Элон Засгийн газрын үр ашгийн хэлтэс дэх гайхамшигтай үйл хэргээ дуусгаад төрийн тусгай албан хаагчийн хувиар төрийн албыг орхино" гэсэн юм.

Трампийн хэд хэдэн зөвлөх энэ талаар хэлэхдээ "Трампийг бодлогын чанартайгаар Маскийг дэргэдээ урт хугацаанд байлгасан. Яагаад гэвэл Трампийг шүүмжлэгчдийн хувьд Маск аянга нь байлаа. Маск ерөнхийлөгчийн хувьд улс төрийн бамбай болсон. Цомхотгол гэх мэт Трампийн бодлогын хамгийн маргаантай хэсгүүдийн арыг Маск даасан. Трамп өөрөө энэ асуудлыг хариуцсан бол шархдах байсан нь дамжиггүй" гэжээ.

ЭХ СУРВАЛЖ: POLITICO

Энэ мэдээнд өгөх таны сэтгэгдэл?
2
ЗөвЗөв
2
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Монголхүү 7 цагийн өмнө 103.212.116.88

Маскийн нөлөө улам л нэмэгдэж байгаа. Яг үнэндээ Трампын баруун гар. Мөнгө, эрх мэдэлтэй учраас хэр баргийн юмнаас эмээхгүй толгой. Манайд гайгүй ханддаг болгох юмсан. Авилгачид биш шударга, оюунлаг залуусаа ойртуулах, тэгэхдээ бодлогоор ойртуулах хэрэгтэй байна даа.

Avatar

сонгогч 8 цагийн өмнө 202.9.46.142

Төсдийн алдагдлыг нэг их наяд төгрөгөөр бууруулахад шаардагдах ажлыг манайд хиймээр байх юм. Маскийг урьж ажиллуудаг юм бил үү?

Avatar

Нэргүй 8 цагийн өмнө 202.9.41.84

Жомбого Трамп

Avatar

зочин 11 цагийн өмнө 139.5.216.129

Цомхотгол хийхэд Нэгдсэн улсад ганц Маск байхад л болж байна шд. Гэтэл манайд Ажлын хэсэг нтр байгууллаад ч нэмэргүй.
Сайндаа л ганц нэг чапакуудыг цомхотгоно. Цүнх баригчид бол зоолттой байж л бна.

Avatar

Нэргүй 2025-04-04 139.5.216.136

hairan hun bitii garaasaa musk mash chuhal

NewsMN Гар утасны хувилбар Татах
NEWS.mn

Мэдээллийн эх сурвалж