Ертөнц ойлгомжгүй байхад бүгдээрээ ойлгомжтой байя

Ертөнц ойлгомжгүй байхад бүгдээрээ ойлгомжтой байя

Ертөнц ойлгомжгүй байхад бүгдээрээ ойлгомжтой байя

Эдийн засаг, хөгжлийн сайд Л.Гантөмөр сар бүр сэтгүүлчидтэй уулзаж цаг үеийн асуудлаар мэдээлэл өгдөг болсон. Энэ удаагийн уулзалт Эдийн засаг, хөгжлийн яам дээр /2025.04.02/нд болсон. Тус уулзалтын үеэр яригдсан зарим зүйлийг үргэлжлүүлэн тоймлон хүргэе. 


"Ертөнц ойлгомжгүй байхад бүгдээрээ ойлгомжтой байя" гэх бодлого баримталж байгаагаа Эдийн засаг, хөгжлийн сайд Л.Гантөмөр сэтгүүлчидтэй уулзах үеэрээ тодотгосон. Тиймээс Засгийн газрын дөрвөн жилийн мөрийн хөтөлбөрийг хэрэгжүүлэх тэр дундаа 14 мега төслөө хэрэгжүүлж, нэг хүнд оногддог, ДНБ-ээ 10 мянган ам. долларт хүргэх яриаг бодит болгох зорилт тавин ажиллаж байгаа аж. Он гарсаар эхний 3 сарын байдлаар Монгол Улсын  эдийн засгийн бодит нөхцөл байдал тийм ч сайнгүй байгаа. Тэр дундаа Монгол Улсын экспортын голлох түүхий нүүрсний үнэ 30-40 хувиар буурсан үзүүлэлттэй байгаа ч сүүлийн 2- 3 өдөр нүүрсний үнэ бага зэрэг өссөн үзүүлэлттэй байгаа гэв. Харин зэс болон алтны үнийн өсөлт алдагдлыг тодорхой хувиар нөхөж байгаа нь эерэг үзүүлэлт болж байгаа аж. Тухайлбал, сүүлийн гурван сарын байдлаар зэсийн баяжмал 24 хувиар өссөн байна. Зэсийн үнэ өссөн энэ үед ойролцоогоор 250 сая долларын зэс Оюутолгойн гадаа овоолоостой байгаа учраас экспортыг эрчимжүүлэх шаардлага байгааг илтгэж байна. Мөн Дарханы төмөрлөгийн үйлдвэр дээр ч экспортод гаргаж чадаагүй тодорхой хэмжээний төмрийн хүдэр бий. Хэдийгээр төмрийн хүдрийн үнэ харьцангуй тогтвортой байгаа ч үнийн хувьд өнгөрсөн жилийн мөн үетэй харьцуулахад 2 хувиар буурсан үзүүлэлт бий.   Нүүрсний экспортын биет хэмжээ өнгөрсөн оны мөн үетэй харьцуулахад 3 хувиар буурсан нь Монгол болон Хятадын цагаан сар аль аль нь энэ жил олон өдөр үргэлжилсэн учраас хил гаалийн байгууллагууд ойролцоогоор 14 хоног хаалгаа барьсантай холбон тайлбарлав.

Монгол Улс энэ жил 83 сая тонн нүүрсийг 105 ам доллараар зарахаар төсөвтөө тусгасан. Тиймээс уг зорилтоо биелүүлэхийн тулд нүүрсний экспортоо 90 сая тонн болгож биет хэмжээг 7 сая тонноор нэмэгдүүлснээр үнийн зөрүүний алдагдлыг бууруулах цаашлаад зэсийн үнэ өссөн энэ үед 30- 45 хувийн нэмэлт борлуулалт хийх, алтны олборлолтыг 5 тонноор нэмэгдүүлэх зэргээр зорилтоо тодорхойлсон байна.

Угтаа Монгол Улс нүүрсний экспортын биет хэмжээгээ 90 саяд хүргэх, алтны олборлолтоо 20 тонн хүртэл өсгөх, зэсийн баяжмалын экспортоо 24 хувийн өсөлттэй энэ үеийг ашиглаж нэмэгдүүлэх зэрэг маш ойлгомжтой зорилтууд тавьж түүндээ хүрэхийн төлөө тал талдаа хичээл зүтгэл гаргаж ажиллаж байгаа аж. Ийнхүү уул уурхайн бүтээгдэхүүний үнэ буурч, экспортын орлого буурсан нь Монгол Улсын гадаад валютын албан нөөцөд нөлөөлнө. Оны эхэнд 5,5 тэрбум ам.доллар байсан ГВАН буурсаар одоогийн байдлаар 5 тэрбум ам.долларт хүрсэн байна. Экспортын нөхцөл байдал ийм байхад эсрэгээрээ импорт дээр халалт үүссэн нь эрэлттэй шууд холбоотой. Эдийн засаг дахь мөнгөний нийлүүлэлт  идэвхжилтэй байсан учраас тэр хэмжээнд импортыг өдөөсөн. Он гарсаар эхний сарын байдлаар гадаад худалдааны тэнцэл 600 орчим сая ам.долларын алдагдалтай байсан бол одоогийн байдлаар  60 сая долларын эерэг үзүүлэлттэй байгаа аж. Тиймээс цаашид импортоо тодорхой хэмжээнд барихаас өөр арга байхгүйг учирлаж байна.

Эцэст нь дээрх зорилтдоо хүрэхийн тулд мега төслүүдээ хөдөлгөх хэрэгтэй. Одоогийн байдлаар 14 мега төслөөс газрын тос боловсруулах үйлдвэр болон Эрдэнэбүрэнгийн усан цахилгаан станцын санхүүжилт шийдэгдсэн бол Монгол Францыг хамтарсан уран олборлох гэрээ урагшилж шууд хөрөнгө оруулалт хийгдсэн. Мөн УИХ-аар Ганцмод Гашуунсухайтын төмөр зам холболтын асуудлыг шийдэврлэсэн нь чамалхааргүй амжилт.

Үргэлжлүүлэн цаашид хэрэгжүүлэхэд бэлэн болсон, бэлтгэл ажил нь хангагдсан хэд хэдэн төсөл байгаа талаар тодотгов. Хэдийгээр хууль шүүхийн маргаантай байгаа ч зайлшгүй хэрэгжүүлэх шаардлагатай төсөл бол Тавантолгойн цахилгаан станц. Уг төслийг хэрэгжүүлэх  бүх бэлтгэл ажил хангагдчихсан учраас ирэх долоо хоногийн Засгийн газрын хурлаар уг төслийг богино хугацаанд хөдөлгөхтэй холбоотой асуудлыг хэлэлцүүлэхээр төлөвлөсөн байна. Хоёрдугаарт, төр хувийн хэвшлийн түншлэлийн хүрээнд гангийн цогцолбор байгуулахыг зорьж байгаа аж. Гуравдугаарт, ТЭЗҮ, хөрөнгө оруулагчид нь бэлэн болсон зэс боловсруулах үйлдвэр байгуулах асуудал улс төрийн шийдлээ хүлээж байна.  Дөрөвдүгээрт, нүүрс химийн үйлдвэрийн ажлыг энэ хавар эхэлүүлэхээр төлөвлөжээ. Эцэст нь алт цэвэршүүлэх үйлдвэр байгуулахад олон талын санал ирж байгаа учраас ойрын үед хөдөлгөх хүлээлттэй байна. Мөн түүнчлэн олон жил яригдсан Эгийн голын УЦС-ыг барихын тулд ОХУ байгаль орчны үнэлгээгээ энэ жилдээ багтааж хийсэн тохиолдолд хөдөлгөчих байх гэсэн хүлээлттэй байгаа аж. Цаашлаад нар салхины асар их нөөц манайд байгаа учраас сэргээгдэх эрчим хүч үйлдвэрлэж дотоодын хэрэгцээгээ хангахаас гадна экспортод гаргах том амбицтай байгаагаа тодотгов.

Энэ мэдээнд өгөх таны сэтгэгдэл?
6
ЗөвЗөв
5
ТэнэглэлТэнэглэл
3
ХахаХаха
1
ГайхмаарГайхмаар
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Нэргүй 7 цагийн өмнө 103.168.34.129

Bolovsroliin sangiin bolovson hulgaichaa mongo yasn be

Avatar

зочин 7 цагийн өмнө 202.21.126.30

Үхэр Монголчууд С.Баяр. М.Энхсайхан, Л.Гантөмөр гээд тархи толгой нь задарчихсан улсын төлөө том харж том хөдөлж чадах амбицтай лидерүүдээ ашиглахгүй, харааж зүхээд тэгээд Жонхуу мэтийн тархи угаагч супер хулгайчдаа эсхүл босоо Намбаа мэтийн улс төрийн залилагч попуудаа шүтэж байгаа цагт хөгжил ярих ч хэцүү л юмдаа.

Avatar

Нэргүй 8 цагийн өмнө 49.12.228.199

Урвагч л***р

Avatar

Нэргүй 9 цагийн өмнө 66.181.191.193

ха ха энэ мэт луйварчид байхад уу

Avatar

Иргэн 11 цагийн өмнө 202.126.89.52

Үндэсний цөөхөн компаниудаа ад үзээд, татвар, улс төр, хүнд суртлаар дарамтлаад, нөгөө хэд нь эхнээсээ үүдээ хаагаад, харин гадны нөхдүүдэд ЗГ найр тавьж байна. ЗАЛУУЧУУД гадаад руу зугтаж байна.

Avatar

Нэргүй 2025-04-04 66.181.187.100

Юм юм овоо хөдөлгөөн орж бнаа ! Улс төрийн талаар ч, эд ийн засгийн талаар ч энэ бүх хөдөлгөөнийг зогсоох гацаа х буцаах бүхий л саад тотгорыг зохион байгуулагч Женко гийн бүлэглэлийг устгах цэгцтэы тууштай аяныг МАН,АН нийлж байгаад даруйхан хийгээч ээ !
Женко хүүр МАН-ын махан толгой Оюук, АН-ын алхан тол гой Мүүн хоёрыг хоёулангийнх нь төмсөгийг тас базчихаа д сууж бна ш дээ !
Одоо харин Учрал толгойлоод үзэж тарах бололтой юмуу даа ?! АМЖИЛТ ХҮСЬЕ !

Avatar

зочин 2025-04-04 66.181.166.196

Данх энэ хоёр одоо тийм л мундаг ухаантай юм бол уг нь ертөнцийг л ойлгомжтой болгочихмоор байх, тэгвэл манай дотоод асуудал угаасаа ойлгомжтой ш дээ

Avatar

Нэргүй 2025-04-04 66.181.191.91

Данхаа аваад зайлаад далд ороод өгөөч шаамий Луухай минь.

Avatar

Нэргүй 2025-04-04 124.158.120.50

АН нам утгаа алдлаа, ман намын халаасанд орсон

Avatar

Нэргүй 2025-04-04 124.158.120.50

хамгийн ойлгомжгүй хүн бол чи, МАНчин гуай

Avatar

Зочин 2025-04-04 66.181.176.74

Гантөмөр арай ч ийм байгаагүй одоо бүр зөнөг шаагаад байх шиг

Avatar

Монгол хүн 2025-04-04 139.5.219.172

Олон жилийн өмнөөс яригдсаар өдий зэрэгт хүрч байгаа ажлуудлыг /ганц боомтын асуудлыг эс тооцвол/ өөрсдөө шинээр хийчихсэн юм шиг худал ярих юм. Нүүрсний үнэ бууж экспорт зогсчихсон, валютын нөөц 5 тэрбумаас доош буусан байхад суудлын автомашины импортын онцгой албан татварыг нэмэх, төрийн албыг цомготгох, илүү орон тоо бий болгож менежер БЭТ зэргийг томилж байгааг зогсоох зэрэг зөндөө ажил бна.

Avatar

ЮУНД ТҮРҮҮНД 2025-04-04 192.82.66.243

ай мэдкүү Монголчууд Гэгээртэлээ ч хаа юмбэээ хөөрхийс……………Хог, Утаа, Бохирдол, Түгжрэлийхээ УЧРЫГ ОЛОХСОНДОО……

Avatar

эрка 2025-04-04 103.57.92.18

бувтансан н**ш

Avatar

🧦 2025-04-04 66.181.187.66

үнэн ярьж эхлэхэд асар ойлгомжтой болно. зарим нь угтуулж гал тавиад ч байх шиг. хараалгуулна гэнэ үү. ойлгомжгүй, ахиц гарахгүй, байрнаасаа хөдлөхгүй нь х****л бишүү. саажилт. хөлдөлт

Avatar

**** 2025-04-04 66.181.187.66

ертөнц бас ойлгомжтой бай даа гэчих

Avatar

Зочин 2025-04-04 202.21.120.187

"Бидний гэрэлт ирээдүй Коммунизм" гэж байсан шиг 14 МЕГА төсөл гэх том АМБИЦаар бидний гэнэн мөрөөдлийг цатгаж, сайхан хошгоруулж, сонгуулийн хугацаагаа амар жимэр өнгөрөөчих гэж байгааг жаахан ч гэсэн юм бодож ойлгодог захын нэгэн сайн гадарлаж байгаа. Гэхдээ Та нар нээг их удаан тэсэхгүйдээ, яагаад гэвэл зон олон энэ их үнийн өсөлт, татварын дарамт, нам засгийн дарамтыг нээг их удаан тэсвэрлэж арай л чадахгүй дээ…цаг хугацаа бүхнийг харуулна даа….

Avatar

зочин 2025-04-04 66.181.183.15

АН дарга та ойлгомжгүй байгаа болохоос ертөнц харин ч ойлгомжтой байгаа байх шүү

Avatar

Нэргүй 2025-04-04 124.158.120.50

энэ АНы хүн үү, МАНы хүний

NewsMN Гар утасны хувилбар Татах
NEWS.mn

Мэдээллийн эх сурвалж