55 жилийн түүхтэй Парис Сен-Жермен клуб дэлхийн олон алдартай тоглогчдыг эгнээндээ нэгтгэж байсан. Тус клубын албан ёсны түнш олон улсын компани 1xBet-ийн зүгээс энэ удаад Парисын клубын түүхэнд мөнхөрсөн таван тоглогчийг танилцуулж байна.

ЛУИС ФЕРНАНДЕС: ДОМОГТ ТОГЛОГЧ БА ДАСГАЛЖУУЛАГЧ

1980-аад оны дунд үед Луис Фернандес, түүний Францын шигшээ багийн нөхөд болох Мишель Платини, Ален Жиресс, Жан Тигана нарыг Александр Дюмагийн алдарт романы шадар цэргүүдтэй зүйрлэдэг байв. Тэр үед Францын шигшээ багийн хагас хамгаалалт бүхэл бүтэн хөлбөмбөгийн ертөнцийг айлгаж, ЕВРО-1984 тэмцээний аварга болж байлаа.

Евро-84 тэмцээнд түрүүлсэн Францын шигшээ багт Парис Сен-Жермен клубын ердөө хоёрхон тоглогч багтсан нь Луис Фернандес, Доминик Рошето нар байв. Гайхах ч зүйл биш. Учир нь тэр үед Парисын баг Францын дээд лигийн дунд түвшний баг гэж тооцогддог байсан ч 1985-86 оны улиралд аварга болж чадсан юм.

Парис Сен-Жермен бол Луис Фернандесийн анхны мэргэжлийн клуб байсан бөгөөд тэрбээр 1978 оноос энэ багт тоглож эхлэн 1986 онд 27 насандаа багийнхаа төлөө сүүлийн тоглолтоо хийсэн. Тоглогчийн замналаа дуусгасны дараа тэрбээр дасгалжуулагч болж, Парис Сен-Жермен клубыг хоёр ч удаа удирдаж байв. Фернандесийн удирдлага дор тус баг 1996 онд Цомтой багуудын цомыг хүртсэн нь өнөөдрийг хүртэл Парисын клубын Европ дахь хамгийн том амжилтаар тооцогддог.

РАЙ: АХЫНХАА СҮҮДРЭЭС ГАРСАН НЬ

Рай бол Бразилын алдарт хөлбөмбөгчин Сократесийн дүү юм. Хөлбөмбөг сонирхогчид энэ хоёр тоглогчийг үргэлж харьцуулж, өөр өөр байр суурь илэрхийлдэг. Гэхдээ тэдний амжилтыг харахад 1994 оны дэлхийн аварга Рай ах Сократесоосоо илүү том амжилт үзүүлсэн гэж хэлж болно.

Райгийн Европ дахь мэргэжлийн замнал зөвхөн нэг клубтэй холбогддог нь Парис Сен-Жермен. 1993 онд тэрбээр Парисын багт ирэх үедээ аль хэдийн нэр хүндтэй тоглогч болсон байв. Парист тэрбээр таван улирал тоглож, багийнхаа түүхэн дэх хоёр дахь лигийн аваргын цом болон Цомтой багуудын цомын түрүүг авчирсан. Райгийн дээд лигт авсан аваргын цом үнэ цэнтэй. Учир нь тэр үед Парисын баг өнөөдрийнх шиг эзэрхэг, баян биш байлаа.

ТИАГО СИЛВА: БРАЗИЛ ХАД ЧУЛУУ

"1xBet Монгол"-оос гаргасан үзүүлэлтээр Парис Сен-Жерменийн бүх цаг үеийн таван шилдэг тоглогчийн нэг бол яахын аргагүй Тиаго Силва. 2012 онд Парисын багт нэгдсэн төвийн хамгаалагч эхний тоглолтоосоо л багийн хамгаалалтын гол тулгуур болж, клубыг дэлхийн шилдэг багуудын нэг болгоход томоохон хувь нэмэр оруулсан.

2011 онд Парис Сен-Жермен клуб Катарын Спортын хөрөнгө оруулалтын сангийн мэдэлд очсоны дараа олон алдартай тоглогчдыг элсүүлж эхэлсэн. Харин Тиаго Силва энэ шинэчлэлийн үеийн багийн хамгаалалтын гол багана болж, өнөөдөр Парисын клуб Аваргуудын лигийн түрүү авах гол фаворит гэж яригддаг болсон. Энэ байр суурь, өндөрлөгт хүрэх суурийг Силва өөрийн найдвартай тоглолтоороо босгосон юм.

ЗЛАТАН ИБРАХИМОВИЧ: ГООЛЫН МАШИН

Хөлбөмбөгийн ертөнцийн хамгийн өвөрмөц тоглогчдын нэг Златан Ибрахимович. Олон клуб сольсон ч үргэлж шинэ орчиндоо хурдан дасан зохицож, анхны тоглолтоосоо л фанатуудын хайрыг булаадаг.

2012 онд Парис Сен-Жермен клуб швед "гоолын машин"-ыг эгнээндээ нэгтгэснээр багийн довтолгоо эрс сайжирсан. Дөрвөн улиралын турш Златан бараг л тоглолт бүртээ л гоолдож байв. Харамсалтай нь, Парис Сен-Жермен түүнийг байх үед Аваргуудын лигт түрүүлэх боломжоо ашиглаж чадаагүй. Гэсэн хэдий ч тус багийн хөлбөмбөг дэх нэр хүндийг огцом өсгөхөд Златан голлох үүрэг гүйцэтгэсэн.

КИЛИАН МБАППЕ: ӨНӨӨ ҮЕИЙН ФРАНЦЫН БААТАР

Килиан Мбаппе 17 насандаа Монако багт анх нэрд гарсан. Түүний авьяасыг Парис Сен-Жерменийн эзэд шууд анзаарч, 2017 онд зээлээр багтаа элсүүлж, ганц улирлын дараа худалдан авсан билээ.

2018 онд Мбаппе Францын шигшээ багтайгаа хамт ДАШТ-д түрүүлсэн бөгөөд тухайн үед Парисын багийн тоглогч байв. 2021 онд Парис Сен-Жермен клуб довтолгооны домогт гурвал бүрдүүлсэн нь Неймар, Мбаппе, Месси байлаа. Гэсэн хэдий ч тэдний хамтын ажиллагаа, ойлголцол багийн гол зорилго болох Аваргуудын лигийн дэлдэн чихт цомд хүргэж чадаагүй.

Килиан Мбаппе Парисын багийн өмсгөлтэй 200 гаруй тоглолтод оролцож, нийт 175 гоол оруулсан. Түүний хувьд Францын лигт өрсөлдөгч бүрээ илт илүүрхэж, нэг ёсондоо уйдсан гэхэд хилсдэхгүй. Өөр лиг рүү явах нь ч цаг хугацааны асуудал болж хувирсан. Харин 2024 оны зуны солилцооны цонхоор тэрбээр эцэст нь шинэ аяллаа эхлүүлж, Реал Мадридын тоглогч болсон юм.