Үндэсний 12 бөхөөс хориглосон бодис илэрчээ. Тодруулбал, Д.Отгонбаяр, Д.Оргилох, Г.Мөнхбаяр, А.Баяртогтох, Г.Пүрэвбаатар, Ч.Бямбадорж, Б.Ганзолбоо, Б.Бадамдорж, Э.Мөнхболд, Б.Цэрэнсумъяа, Б.Хаш-Эрдэнэ, Б.Буяндорж нараас допинг илэрсэн байна. Харин Б.Лхагварагчаагаас аналитик бус /шинжилгээний бус/ зөрчил илэрсэн гэсэн. Эдгээр 13 бөхөөс долоод нь шийтгэл ногдуулсан бөгөөд таван бөхийн шинжилгээний асуудал дуусаагүй гэдгийг албаныхан мэдээлсэн юм. Ингээд хориотой бодис илэрсэн бөхчүүдийг танилцуулъя.

СУМЫН ЗААН Д.ОТГОНБАЯР

Түүний хувьд 2024 оны арваннэгдүгээр сарын 28-нд шинжилгээ өгч, шээсний шинжилгээгээр допинг илэрсэн гэдгийг албаныхан мэдээлсэн байдаг.

СУМЫН ЗААН Д.ОРГИЛОХ

Увс аймгийн Малчин сумын харъяат, "Баатар хангарьд" дэвжээний бөх, сумын заан Д.Оргилохоос допингийн төрлийн бодис илэрсэн талаар албаныхан мэдээлсэн. Түүний хувьд 2024 оны арваннэгдүгээр сарын 29-нд допингийн шинжилгээ өгч, 2025 оны гуравдугаар сарын 5-нд хариу нь гарсан байна. Урьдчилсан байдлаар түүний барилдах эрхийг түдгэлзүүлжээ.

Ингэснээр хориглосон бодис илэрсэн бөхчүүдийн хэргийг шийдэж дуусах хугацаанд аливаа спортын үйл ажиллагаанд оролцуулахгүй гэж түдгэлзүүлдэг байна.

Д.Оргилох нь үндэсний бөхөөр хичээллэхийн зэрэгцээ чөлөөт бөхөөр хичээллэж багагүй амжилт гаргаж, энэ жил чөлөөт бөхийн Улсын аварга шалгаруулах тэмцээний 97 кг-ийн жингээс хүрэл медаль хүртсэн байна.

СУМЫН ЗААН А.БАЯРТОГТОХ

Дараагийн бөх бол Өмнөговь аймгийн Манлай сумын харьяат, "Ажнай" бөхийн дэвжээний бөх А.Баяртогтох. Түүний хувьд 2024 оны арванхоёрдугаар сарын 5-нд допингийн шинжилгээнд хамрагдаж, 2027 оны арванхоёрдугаар сарын 4-нийг хүртэл гурван жил барилдах эрхээ хасуулсан байна.

СУМЫН ЗААН Г.МӨНХБАЯР

Баянхонгор Өлзийт сумын харьяат, "Хонгор" бөхийн дэвжээний бөх, сумын заан Г.Мөнхбаяр. Тэрбээр 2024 оны арванхоёрдугаар сарын 5-нд допингийн шинжилгээ өгч, хориотой бодис илэрчээ. Түүний барилдах эрхийг 2025 оны нэгдүгээр сарын 10-наас эхлэн урьдчилсан байдлаар түдгэлзүүлсэн байна.

АЙМГИЙН ХАРЦАГА Б.ГАНЗОЛБОО

Төв аймгийн Эрдэнэсант сумын харьяат “Алдар спорт хороо”, “Эрхэм хүслэн констракшн” ХХК, Дүнжингарав дэвжээний бөх, аймгийн харцага Б.Ганзолбоо. Тэрбээр 2024 оны аравдугаар сарын 15-нд допингийн шинжилгээ өгч, хориотой бодис илэрчээ. Түүний барилдах эрхийг 2024 оны аравдугаар сарын 15-наас 2028 оны аравдугаар сарын 14-нийг хүртэл дөрвөн жилийн хугацаагаар хассан байна.

СУМЫН ЗААН Г.ПҮРЭВБААТАР

Увс аймгийн Зүүнхангай сумын харьяат, “Сүлд” спорт хороо, “Увснуур” дэвжээний бөх, сумын заан Г.Пүрэвбаатар нь 2024 оны арванхоёрдугаар сарын 13-нд шинжилгээ өгч, хориотой бодис илэрчээ.

Түүний барилдах эрхийг 2025 оны дөрөвдүгээр сарын 1-нээс эхлэн урьдчилсан байдлаар түдгэлүүлсэн байна.

Түүний хувьд 2024 онд сумын цолтон болон залуу бөхчүүдийн 119 дэх удаагийн ээлжит барилдаанд 544 бөх уран мэх, авхаалж самбаа сорин барилдаж, 10 даван анх удаагаа түрүүлж байв.

АЙМГИЙН АРСЛАН Ч.БЯМБАДОРЖ

Өвөрхангай аймгийн Хужирт сумын харьяат аймгийн арслан Ч.Бямбадорж нь 2024 оны арванхоёрдугаар сарын 21-нд өгч, хориотой бодис илэрчээ. Тэрбээр 2025 оны гуравдугаар сарын 21-ний өдрөөс 2027 оны гуравдугаар сарын 20-ны өдрийг хүртэл хоёр жилийн хугацаанд барилдах эрхээ хасуулсан байна.

Тэрбээр 2024 онд Ардын хувьсгалын 103, Өвөрхангай аймаг үүсэн байгуулагдсаны түүхт 93 жилийн ойн баяр наадмаар хүчит 128 бөхийн барилдаанд түрүүлж, аймгийн арслан цол хүртжээ.

АЙМГИЙН ХАРЦАГА Б.БАДАМДОРЖ

Сүхбаатар аймгийн Уулбаян сумын харьяат бөх, аймгийн харцага Б.Бадамдорж 2025 оны нэгдүгээр сарын 1-нд допингийн шинжилгээнд хамрагдаж, 2025 оны нэгдүгээр сарын 24-нд хариугаа авчээ.

Түүний шинжилгээнээс хориотой бодис илэрсэн бөгөөд тэрбээр эмчилгээний журмаар чөлөөлөгдөх хүсэлтээ хүргүүлжээ. Тэрбээр 2019 онд аймгийнхаа улсын баяр наадмын 256 бөхийн барилдаанд тав давж, шөвгөрөн чимэг нэмсэн байна.

АЙМГИЙН ЗААН Э.МӨНХБОЛД

Дундговь аймгийн Дэлгэрхангай сумын харьяат, "Хур Харцага" дэвжээ болон "Алдар" спорт хорооны тамирчин, аймгийн заан Э.Мөнхболд нь 2025 оны нэгдүгээр сарын 24-нд допингийн шинжилгээ өгсөн бөгөөд хориотой бодис илэрчээ. Ингэснээр 2025 оны хоёрдугаар сарын 15-наас 2028 оны хоёрдугаар сарын 14-нийг хүртэл гурван жил барилдах эрхээ хасуулжээ.

СУМЫН ЗААН Б.ЦЭРЭНСУМЪЯА

Говь-Алтай аймгийн Баян-Уул сумын харьяат, сумын заан Б.Цэрэнсумъяагийн хувьд 2025 оны хоёрдугаар сарын 24-нд допингийн шинжилгээ өгч, хориотой бодис илэрсэн байна.

Түүний барилдах эрхийг энэ оны гуравдугаар сарын 14-нөөс эхлэн түдгэлзүүлжээ.

Ингэснээр хориглосон бодис илэрсэн бөхчүүдийн хэргийг шийдэж дуусах хугацаанд аливаа спортын үйл ажиллагаанд оролцуулахгүй гэж түдгэлзүүлдэг байна.

Б.ХАШ-ЭРДЭНЭ

Б.Хаш-Эрдэнэ нь 2025 оны хоёрдугаар сарын 24-нд допингийн шинжилгээ өгч, допинг илэрсэн байна. Тэрбээр 2025 оны гуравдугаар сарын 24-нөөс эхлэн 2027 оны гуравдугаар сарын 23-ныг хүртэл хоёр жилийн хугацаанд барилдах эрхээ хасуулжээ.

Б.БУЯНДОРЖ

Б.Буяндорж 2025 оны хоёрдугаар 24-нд шинжилгээ өгч, гуравдугаар сарын 10-нд хариугаа авчээ. Түүнээс хориотой бодис илэрсэн учраас энэ оны гуравдугаар сарын 24-нөөс 2028 оны гуравдугаар сарын 23-ныг хүртэл гурван жил барилдах эрхээ хасуулсан байна.

Б.ЛХАГВАРАГЧАА

Харин Б.Лхагварагчаа нь 2025 оны хоёрдугаар сарын 24-нд допингийн шинжилгээ өгчээ. Түүний хувьд хориотой бодис илрээгүй ч шинжилгээний бус зөрчил илэрсэн гэдгийг албаныхан мэдээлсэн.