Хувь хүний орлогын албан татварын 10 хувийг нэг хувь болгох асуудлыг Төсвийн байнгын хорооны хурлаар хэлэлцэхээр болжээ. Тодруулбал, ХХОАТ-ыг 10-аас нэг хувь болтол бүсчилсэн байдлаар бууруулах асуудлыг 10 гаруй жил ярьж, судалж өнгөрсөн парламентын үед хуулийн төслөө өргөн барьж байсан боловч хэлэлцэгдээгүй. Харин өнөөдрийн чуулганы хуралдаанаар ХХОАТ-ыг нэг хувь болгож бууруулах иргэдийн санал 100 мянга хүрсэн тул Төсвийн байнгын хороонд шилжүүлэн хэлэлцэхээр болж байна.