Япон улсад богино хугацаагаар ирсэн жуулчдын үйлдэх гэмт хэрэг, зөрчлийн тоо нэмэгдэж байна гэж тус улсын цагдаагийн байгууллага мэдэгдэв. Тодруулбал, өнгөрсөн онд жуулчдын үйлдсэн хулгайн гэмт хэрэг болон цагаачлалын хууль зөрчсөн зэрэг нийт хэргийн тоо 21794-т хүрсэн гэж Цагдаагийн ерөнхий газар тайлагнав. Мөн 12170 гадаадын иргэн ямар нэгэн гэмт хэрэгт сэжиглэгджээ.

Эдгээр тоо нь 2005 онд 47865 хэрэг, 2004 онд 21842 гэмт хэрэг үйлдсэнтэй харьцуулахад бага байгаа ч 2023 оноос хойш огцом өссөн байна.

Сүүлийн үеийн тоо баримтаас дурдвал Японд богино хугацаагаар айлчилж буй вьетнам жуулчид 3990 хэрэг үйлдэж, хамгийн олон хэрэг, зөрчил үүсгэсэн гэдгээр тэргүүлж буй. Дараа нь Хятадын жуулчид 2011 хэрэг, зөрчил гаргасан бол филиппин жуулчид 732, тайланд жуулчид 644, бразил жуулчид 578 удаагийн хэрэг, зөрчил гаргажээ. Эдгээр хэргийн 9103 нь хулгай байсан бол 2252 нь дэлгүүрээс хулгай хийсэн болох нь тогтоогджээ.