МАН-ын Ерөнхий нарийн бичгийн дарга Я.Содбаатар энэ дөрөвдүгээр сарыг улс төрийн томилгоогоор эхлүүлсэн бөгөөд тэрбээр Т.Сайнжаргалыг улс төрийн бодлогын зөвлөхөөрөө томилсон байна.

Т.Сайнжаргал нь “Иргэн Сайнжаргал” гэдгээрээ улс төрийн хүрээнд идэвхтэй нэгэн бөгөөд Сэлэнгэ аймгийн МАН-ын дэд дарга, Мандал сумын ИТХ-ын төлөөлөгчөөр ажиллаж байжээ. Түүнчлэн орон даяар сүлжээтэй “YES MONGOLIA” залуусын хөдөлгөөнийг үүсгэн байгуулалцаж, тэргүүнээр нь ажиллаж байсны зэрэгцээ НАМЗХ-ны дэд ерөнхийлөгчөөр ажилласан туршлагатай аж.

Мөн SDY Mongolia хөдөлгөөний дэд ерөнхийлөгч Б.Жавзандоржийг кибер аюулгүй байдлын асуудал хариуцсан зөвлөхөөр томилсон нь МАН-ын Ерөнхий нарийн бичгийн даргын томилгоотой зэрэгцээд тус намын аппаратыг 1970, 1960 оныхноор бүрдүүлэх үү гэдэг асуултад эсрэг хариулт өгсөн томилгоо болов.