Мьянмарт түр гал зогсоохоор боллоо

Мьянмарт түр гал зогсоохоор боллоо

Мьянмарт түр гал зогсоохоор боллоо

Аймшигт газар хөдлөлтийн дараах аврах, эрэн хайх, сэргээн босгох ажлыг түргэтгэхийн тулд Мьянмарын арми түр гал зогсоохоо зарлалаа. Гал зогсоох хугацаа дөрөвдүгээр сарын 2-22-ны хооронд байна.

Цэргийнхэнтэй тулалдаж буй босогчдын бүлгүүд тусламжийн бүлгүүдийн хүчин чармайлтыг дэмжихийн тулд энэ долоо хоногийн эхээр анхлан гал зогсоох саналыг гаргасан. Улмаар цэргийн хунта Лхагва гаригт ижил мэдэгдэл хийснээр гал зогсоох нь тодорхой болов.

Газар хөдлөлтийн улмаас нас барагсдын тоо Мяьнмарт 2886, Тайландад 21 хүрээд байна.

Мьянмар улс 2021 оны төрийн эргэлтээс хойш үймээн самуунтай байгаа билээ. Тус улсын арми Мягмар гаригийн шөнө тусламжийн бараа материал тээвэрлэж явсан Хятадын Улаан загалмайн нийгэмлэгийн цуваа руу гал нээжээ. Зэвсэгт босогчдын бүлэг Таангийн үндэсний эрх чөлөөний армийн мэдээлснээр, цэргийнхэн зүүн Шань мужид есөн машины цувааг пулемётоор буудсан байна.

Уг хэргийг шалгаж байгаа гэж мэдэгдсэн цэргийн хунта машинууд руу шууд буудсан гэдгээ үгүйсгэв. Цэргүүд дохио өгсөн ч машинууд зогсоогүй тул агаарт хий буудсан гэжээ.

ЭХ СУРВАЛЖ: BBC

Энэ мэдээнд өгөх таны сэтгэгдэл?
3
БурууБуруу
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Нэргүй 2025-04-03 66.181.180.197

Ардчиллын нөгөө шоучин авгай бгаа юу? Элбэгдоржийн найз

Avatar

Нэргүй 2025-04-03 103.212.117.50

Зүүнгарыг эзэлсэн манжийн өвөр халх цэргүүдийн чацгыг савируулсан улс даа.

NewsMN Гар утасны хувилбар Татах
NEWS.mn

Мэдээллийн эх сурвалж