Дэлхийн дуурийн урлагийн ноён оргил “Аида” дуурийг хэр баргийн театрт тавиад байдаггүй.

Тус театрынхан Монголд төдийгүй Азидаа анхлан уг дуурийг 2011 онд тавьж анхдагч болсон түүхтэй. Тодруулбал, А.Гисланцони, К.дю Локлийн цомнол, Ж.Вердийн хөгжим “Аида” дуурь тайзнаа анх тавигдсанаас хойш 140 жилийн дараа Монголын үзэгчдийн хүртээл болжээ. Уг дуурийг ОХУ-ын Красноярск хотын Дуурийн театрын ерөнхий удирдаач, ОХУ-ын гавьяат жүжигчин А.П.Чепурной найруулан тавьж, удирдаачаар Урлагийн гавьяат зүтгэлтэн Н.Туулайхүү ажилласан байдаг. Монголын анхны "Аида" дуурьд Гавьяат жүжигчин С.Мөнгөнцэцэг, Ш.Наранчимэг нар гоцлосон бол Радамест Ч.Түмэндэмбэрэл, Гавьяат жүжигчин Б.Гомбо-Очир нар гоцолж байв.