АНУ-ын ерөнхийлөгч Дональд Трамп Хятадын импортын бараанд 34 хувийн харилцан татвар ногдуулахаа Лхагва гаригт зарлалаа. Энэ нь Америкийн худалдааны бодлогыг өөрчлөх зорилготой "Чөлөөлөх өдөр"-ийн багцын нэг хэсэг юм.

Тэрбээр АНУ-ын худалдааны түншүүд болон тэдэнд ногдуулсан татварыг жагсаасан хүснэгтийг танилцуулсан. Өөрөөр хэлбэл, тус хүснэгтэд хоёр багана харагдаж байна. Эхний баганад бусад улсаас АНУ-д ногдуулж буй татварын хэмжээ, хоёр дахь баганад үүний хариуд АНУ-ын зүгээс ногдуулж буй татварын хувь хэмжээг харуулжээ.

Эдгээр шинэ татвар нь нь бусад улс орны АНУ-аас "хуурч авсан" олон жилийн шударга бус худалдааг засах болно гэж Трамп хэлжээ.

34 хувийн татварт Хятад хэрхэн хариу барих нь тодорхойгүй байна. Вашингтон дахь Хятадын Элчин сайдын яамны төлөөлөгч Лю Пэнгю “Хятад улс нэмэлт татвар ногдуулахыг үргэлж тууштай бөгөөд тодорхой эсэргүүцсээр ирсэн. Протекционизм юунд ч хүргэхгүй. Худалдаа, тарифын дайнд ялагч гэж байхгүй” гэжээ.

АНУ Хятадаас гадна Европын холбоонд 20 хувь, Вьетнамд 46 хувь, Тайваньд 32 хувь гэх мэтээр бусад улсад татвар ногдуулсан байна.