Зэвсэгт хүчний …дүгээр ангийн хоёр алба хаагч гранат шидэх сургуулилалтын үеэр дэлбэрэлтэд өртөж гэмтсэн гэх мэдээлэл цацагдсан. Энэ талаар Зэвсэгт хүчний жанжин штабаас тодруулахад "Цэргийн алба хаагчид тайван цагт хээрийн дадлага сургуулилалт тогтмол хийдэг. Нэг цэргийн алба хаагч ширмэн сургуулилалтын гранатыг 100-105 удаа шидэх дадлага хийх ёстой. Тухайн дадлага сургуулилалтын үеэр өнгөрсөн Баасан гаригт хоёр алба хаагч гэмтэл авсан нь үнэн. Одоогоор алба хаагчдын биеийн байдал дээрдэж, эмнэлгээс гарсан. Ноцтой осол гарсан бол холбогдох хуулийн байгууллагаас шалгаж, тогтоох байсан" гэдэг хариултыг өглөө.