Япон улс Мьянмарт болсон аймшигт газар хөдлөлтөд нэрвэгдэгсдэд зургаан сая орчим ам.долларын буцалтгүй тусламж үзүүлэхэд бэлэн байгаагаа өнөөдөр /2025.04.02/ мэдэгдлээ. Тусламжийг олон улсын байгууллагуудаар дамжуулан олгоно. Мөн 32 хүний бүрэлдэхүүнтэй эмнэлгийн тусламжийн багаа илгээнэ гэж Гадаад хэргийн сайд Такэши Иваяа хэлэв. Газар хөдлөлтөд хамгийн ихээр өртсөн Мандалай хотод Японы хоёр иргэн байжээ. Нэг иргэн нь сураггүй байгааг Японы засгийн газар мэдэгдэв.
Мьянмарт өнгөрсөн Баасан гаригт /2025.03.28/ болсон 7.7 магнитудын хүчтэй газар хөдлөлтөөр амиа алдагсдын тоо 2700 даваад буй. Мөн 4500 гаруй хүн бэртэж гэмтэж, 440 хүн сураггүй хэвээр байна. Нас барагсдын тоо 3000 ч давах магадлалтай байгааг цэргийн хунтын дарга ахлах генерал Мин Аун Хлайн хэллээ.
Харин хөрш Тайландад амиа алдагсдын тоо 20, сураггүй бологсдын тоо 80 хүрчээ. Тайландад нурсан барилгад ашигласан ган нь стандартын шаардлага хангаагүй байж болзошгүй тул тэрхүү эмгэнэлт явдал болсон гэж үзсэн. Иймд Тайландын Аж үйлдвэрийн яам ослын газарт шалгалт эхлүүлжээ.
Мандалай хотод Хятад, Оросын аврах багийнхан хэдийнэ ажлаа эхлүүлсэн бол Тайланд, Энэтхэг, Сингапур зэрэг бусад улс мөн аврагчдаа илгээсэн байна.
зочин 2025-04-02 66.181.166.196
Оросын аврагчид яадаг яадаг гэлээ, Туркээс хөөгдөж байсан биз дээ
Нэргүй 2025-04-02 103.168.34.137
TIIM
Нэргүй 2025-04-02 103.57.93.244
Монгол ямар ч аврагчаа явуулаагүй атал оросуудыг муулаад байх чинь. Монголчууд бол Оросуудын дэргэд муу ялаа л гэсэн үг.