3,488.01
Монголын Үндэсний бөхийн холбоо болон "Эвт Монгол" клубээс санаачлан Завхан аймгийн Идэр сумын Улаанбаатар хот дахь нутгийн зөвлөл, Завхан аймгийн Засаг даргын тамгын газар, Идэр сумын Засаг даргын тамгын газар хамтран түмэн олноо “Хамбын бор”, “Урт гарт” хэмээн алдаршсан Монгол Улсын арслан Маамын Лхагвын нэрэмжит улс, аймгийн алдар цолтой 256 бөхийн барилдаан 2025 оны дөрөвдүгээр сарын 19-ны өдөр Монгол бөхийн өргөөнд болно.
Урт гарт хэмээн алдаршсан Монгол Улсын арслан Маамын Лхагва нь 1931 оны улсын баяр наадмаар 9 давж үзүүрлэн улсын заан, 1933 онд 10 давж түрүүлэн улсын арслан цол мөн 1939 онд 512 бөхөөс 8 даван үзүүрлэсэн хүчтэн байв. Тэрбээр 1929-1946 онуудад Улсын баяр наадамд 11 удаа, 1946 онд Улс хувьсгалын 25 жилийн ойн наадмаар тав даван шөвгөрч байсан түүхтэй.
Дөрөвдүгээр сард болох бусад бөхийн барилдааны хуваарийг ЭНД дарж харна уу.
Зочин 10 цагийн өмнө 139.5.218.44
Хатагтай Эрдэнэзаяа, 19-ны биш , 19-ний гэж бичдэг юм. Нэг, дөрөв, ес гэдэг тооны нэр ахул эм хүйсийг үг. Хэвлэлд ажилладаг хүн та бичгийн боловсролоо ахиулахад гэмгүй шүү.
Зохиолч Л.Пүрэвдорж 10 цагийн өмнө 139.5.218.44
Доктор Совдын Баатарын бичсэн "Их бөх Маамын Лхагва" гэсэн онц сонин ном бий. Тэр номоос энэ хүний намтар, нэн сонин хувь заяаны тухай уншиж болно доо.