Хятадын үндэсний оффшор газрын тосны корпораци (CNOOC) Өмнөд Хятадын тэнгист 100 сая тонноос давсан батлагдсан нөөцтэй газрын тосны орд илрүүлжээ. Хуйжоу 19-6 газрын тосны орд нь Өмнөд Хятадын тэнгисийн маргаантай бүсэд оршдоггүй. Харин эргээс 200 далайн миль буюу 370 км зайд Хятадын эдийн засгийн онцгой бүсэд оршдог.

100 метрийн гүнд орших уг талбайд туршилтын өрөмдлөг хийхэд өдөрт 413 баррель түүхий тос, 68 мянган шоо метр байгалийн хий олборлосон байна.

Хуйжоу 19-6 нь Хятаддаа газрын гүнээс хэт гүн хүртэлх давхаргын анхны томоохон хэмжээний орд газар юм. Ийм гүнд өндөр температур, даралт их байдаг тул газрын тос, байгалийн хийн хайгуул хийхэд хүндрэлтэй байдаг. Дэлхий дээр шинээр нээгдэж буй газрын тос, байгалийн хийн нөөцийн 60 хувь нь гүний давхаргаас гардаг аж.

Өмнөд Хятадын тэнгис нь газар нутгийн хувьд маргаантай бүс учир дутуу судлагдсан байдаг талтай. Гэхдээ газрын тос, байгалийн хийн ихэнх нөөц нь маргаангүй бүс нутагт байдаг гэж АНУ мэдээлжээ.