Дайн эхэлснээс хойш Украинд Японы уламжлалт сүмогийн нэр хүнд өсчээ. Өдгөө 3000 орчим украин хүүхэд сүмогоор хичээллэж байна. Украинчууд сүмог 16 дугаар зуунд үүссэн украин ардын бүжиг Хопактай харьцуулж байна. Хопак нь тулааны урлагийн эленментүүдийг багтаасан бүжиг бөгөөд дайнаас эргэн ирээд ялалтаа тэмдэглэсэн коссаксууд анх зохиож байв.

Украины өсвөрийн сүмогийн шигшээ багийн гишүүд энэ оны 1, 2 дугаар сард Японыг зорьж, эх оронд нь бэлтгэл хийж үзжээ. Япончуудтай зөвлөлдсөний эцэст Украины сүмогийн холбоог байгуулж, гадаадын улсуудад сургалт зохион байгуулах боломжтой болсон ч дайчилгааний ерөнхий тушаалын улмаас бүрэн хэмжээний бэлтгэл хийхэд хүндрэлтэй байсан аж.

12 настай Евгений Грицков Харьков мужид амьдардаг бөгөөд сүмогийн бэлтгэл хийх аюулгүй газар олддоггүй тухайгаа хуваалцжээ. Гэрийнх нь хажууд хүртэл пуужин унасан тул үргэлж түгшүүртэй байдаг гэв. Грицков өнгөрсөн оны гуравдугаар сард Украинд болсон сүмогийн тэмцээнд түрүүлсэн. Мөн оны наймдугаар сард Токиогийн Үндэсний сүмо аренад болсон хүүхдийн тэмцээнд урилгаар оролцож, дөрөвдүгээр ангийн сурагчдын төрөлд түрүүлсэн байна.