Дэлхийн цирк Монголд тоглолт “Степпе арена”-д 13 дахь жилдээ тоглогдох гэж байна. Энэ удаагийн тоглолтод Итали улсын алдар алиалагч Дэвид Ларибле ирж үзүүлбэрээ үзүүлнэ. Тэрбээр, Азийн аль ч улсад үзүүлбэрээ үзүүлж байгаагүй бөгөөд энэ удаад Азийн улсад тоглож буй анхны улс нь Монгол болох аж.

Мөн Монгол, Америк, Герман, Итали, Аргентин, Колумб, Орос, Иран, Беларусь, Украйн, Убекстан, Казахстан зэрэг 15 орны олон улсын нэр хүндтэй циркийн жүжигчид болон сургуультай амьтад циркийн гайхалтай, сэтгэл догдлуулсан үзүүлбэрийг үзүүлнэ гэдгийг зохион байгуулагчдын зүгээс онцлов.

Тоглолт 2025 оны дөрөвдүгээр сарын 12-оос тавдугаар сарын 11-ны хооронд “Степпе арена” ордонд зохион байгуулагдана.

Үнийн хувьд 0-4 насны хүүхэд үнэ төлбөргүй. 5-аас дээш насныхан суудлын байршлаас хамаарч 20-100 мянган төгрөгийн үнэтэй байх ажээ. Мөн бага насны хүүхэдтэй гэр бүлд зориулсан  12 хүний суудалтай тусгай өрөө бий. Энэ нь нэг суудлын үнэ нь 80 мянган төгрөгийн үнэтэй гэдгийг зохион байгуулагчид хэллээ.