Газын зурваст шархадсан палестинчуудыг Японд хүлээн авч, эмчилж эхэлснийг өнөөдөр Батлан хамгаалахын сайд Накатани мэдэгдлээ. Египетэд эмчлүүлж байсан эхний өвчтөнг өнөөдөр Токио дахь Батлан хамгаалах хүчний төв эмнэлэгт авчиржээ. Хоёр дахь өвчтөн ойрын өдрүүдэд ирэх аж. Хэт олон тооны өвчтөн хүлээн авах боломж одоогоор байхгүй гэдгийг тус яам мэдэгджээ.

Энэ нь хүмүүсийг Япон руу нүүлгэн шилжүүлж буй явдал биш гэдгийг Накатани онцлов. Мөн “Япон улс хүмүүнлэгийн яаралтай тусламж үзүүлэх ажиллагаанд идэвхтэй оролцож, дунд болон урт хугацааны бүтээн байгуулалтад ч үүрэг гүйцэтгэнэ” гэлээ.

Ерөнхий сайд Шигэрү Ишиба өнгөрсөн сард парламентын хуралдааны үеэр “Япон улс Газын зурваст өвдсөн, бэртэж гэмтсэн хүмүүсийгавчирч эмчлэхээр ярилцаж байгаа” гэж хэлсэн билээ.

Япон улс энэ үйл ажиллагааг ДЭМБ-ын хүсэлтээр Египетийн засгийн газартай хамтран хэрэгжүүлж байгаа аж. Ойрхи Дорнодын газрын тосноос нэн хамааралтай байдаг Япон улс эртнээс нааш муслим шашинтай орнууд болон Израильтай тэнцвэртэй дипломат харилцаагаа хадгалахыг хичээсээр иржээ.