АНУ-ын ерөнхийлөгч Дональд Трампад ОХУ-ын ерөнхийлөгч Путин өөрийнх нь хөргийг бэлэглжээ. Трампийн одоо байгаа хөргийг үнэхээр хамгийн муу зураг гэж Путин тодорхойлсон байна. Шинэ хөргийг одоогоор олон нийтэд дэлгээгүй байна. Кремлийн хэвлэлийн төлөөлөгч Дмитрий Песковын хэлснээр энэ нь Путины хувиасаа өгч буй бэлэг тул тэр хүн өөрөө л дэлгэрэнгүй мэдээлэл өгөх боломжтой аж.

Дональд Трамп Капитол хиллд өлгөөтэй байдаг хуучин зургаа "Truth Social" хаягаараа шүүмжилсэн байна. Тус зургийг 2019 онд тэнд байршуулсан бөгөөд зураач Сара Бордман зуржээ. Гэтэл Сара Бордман ерөнхийлөгч Барак Обамагийн зургийг үнэхээр сайхан зурсан байсан гэж Трамп хэлсэн байна.

Ерөнхийлөгчөөр сонгогдсон даруйдаа Трамп дүр төрхөө бүрдүүлэхэд ихээхэн анхаарал хандуулж, нэгдүгээр сард албан ёсны хөрөг зургаа нийтэд дэлгэсэн. Гэвч энэ зураг нь хэтэрхий сүржин, ноцтой төрхтэй, аймшигтай гэх зэргээр шүүмжлүүлсэн юм.

Путины илгээсэн хөрөгийг Оросын тэргүүлэх зураач зурсан гэж Трампийн төлөөлөгч Стив Виткофф хэллээ. Мөн хөрөг зургийг хараад Трампийн сэтгэл маш их хөдөлсөн гэв. Трампийн амийг хөнөөх оролдлого өнгөрсөн онд гарахад Путин түүний төлөө залбирсан гэдгээ мөн дамжуулсан аж. "AP"-ын гэрэл зурагчин Эван Вуччи тухайн мөчийг хальснаа мөнхөлсөн нь домог шахуу зүйл болж, Трамп номынхоо нүүр хуудаст хүртэл залжээ.