УИХ-ын 2025 оны хаврын ээлжит чуулган өнгөрсөн долоо хоногийн Даваа гаригт /2025.03.17/ нээлтээ хийсэн. Хаврын чуулганы дараа МАН болон АН-ын бүлгүүд тус тусдаа хуралдаж Монголбанкны мэдээлэл сонсож, хаврын чуулганаар хэлэлцэх асуудал болоод төсвийн орлого тодорхой хэмжээгээр буурсантай холбоотой төсвийн тодотгоол хийх эсэх асуудлыг хэлэлцсэн юм. МАН болоод АН-ын бүлгүүд яарч төсөвт тодотгол хийхгүй байх нь зүйтэй гэдэг дээр байр сууриа нэгтгэсэн бөгөөд Сангийн сайд Б.Жавхлан "Төсөвт тодотгол хийх нөхцөл үүсээгүй" гэж удаа дараа мэдэгдээд буй. Тэгвэл өнөөдөр МАН болоод АН-ын бүлгүүд 10 цагаас хуралдаж энэ долоо хоногт УИХ-ын нэгдсэн чуулганаар хэлэлцэх хуулийн төслүүд болоод эдийн засгийн нөхцөл байдлын талаар хэлэлцэх товтой байна.