АНУ-ын Флорида мужийн Бэй Лэйк дэх "Walt Disney World" амралтын газар байрлах "Epcot" цэцэрлэгт хүрээлэнд орон нутгийн цагаар Бямба гаригийн (2025.03.22) үдээс хойш гал гарчээ. Уг цэцэрлэгт хүрээлэнд амрахаар ирсэн хүмүүс олон нийтийн сүлжээнд нөхцөл байдал ямар байгаа талаарх зураг, дүрс бичлэгийг нийтэлсэн байна.

"Epcot"-д байсан гэрчүүдийн мэдээлснээр, гал хамгийн анх Франц павильоны ард гарч эхэлсэн бөгөөд хурдан хугацаанд их хэмжээний утаа ялгарчээ.

Гал хамгаалах албаныхан галыг унтрааж чадсан бөгөөд бэртэж гэмтсэн тохиолдол бүртгэгдээгүй. "Walt Disney World"-ийн хэвлэлийн төлөөлөгчийн мэдэгдсэнээр, Франц павильоны ард байрлах хөргүүр шатсанаас болж гал гарсан байж магадгүй гэж үзэж байна. Мөн хөргүүр гэнэт эвдэрч, шатах болсон шалтгаан нь тодорхойгүй байгаа юм. Гэсэн хэдий ч ослын хэсгийг аюулгүй болгосон тул цэцэрлэгт хүрээлэнгийн үүд хаалгыг тухайн өдрийн орой нь дахин нээжээ.