АНУ-ын Вашингтон хотод байрлах "Tesla" автомашины худалдааны төвийн гадна Бямба гаригт (2025.03.22) 100 гаруй хүн цугларч, тэрбумтан Элон Маскийг эсэргүүцэж буйгаа илэрхийлжээ. Эсэргүүцэгчид түүний эсрэг уриа лоозон барьж, цомхотгол хийж буйг нь буруутгаж байснаас гадна автозам дагуу өнгөрөн явах машинууд мөн адил нэгдэж буйгаа илэрхийлэн дуут дохиогоо хангинуулж байв.

Дэлхийн хамгийн баян хүн болох Элон Маск ямар шалтгааны улмаас эсэргүүцэлтэй тулгарч буй нь тодорхой гэж орон нутгийн хэвлэлүүд онцолж байна. Учир нь тус улсын ерөнхийлөгч Дональд Трамп хоёр дахь бүрийн эрхийн хугацаандаа засгийн газрын үр ашгийн хэлтэс байгуулж, Элон Маскийг удирдах албан тушаалд томилсон. "DOGE" гэх уг хэлтэс нь Трамп, Маскийн удирдлагаар холбооны ажилчдыг цомхотгож, засгийн газрын зарим салбарыг татан буулгасан байдаг.

Вашингтон хотод болж буй эсэргүүцлийн жагсаалд оролцогч Меллиса Кнутсон хэлэхдээ, "Тэдэнд ганцаараа биш гэдгийг нь харуулж байгаа учир бид баяртайгаар гарч ирж, жагсаж байна" гэв. Энэ нь "DOGE"-ийн цомхотголд өртсөн холбооны ажилчдын эрхийн төлөөх жагсаал гэж тэрбээр онцолжээ. Гэхдээ энэхүү эсэргүүцлийн жагсаал нь зөвхөн Вашингтоноор хязгаарлагдаагүй байна.

Учир нь Трампийн засаг захиргаа Канадын импортод нэмэлт татварын тариф ногдуулсантай холбоотой юм.  Түүнчлэн, эсэргүүцлийн жагсаал гарахаас долоо хоногийн өмнө автомашин сонирхогчид эзэмшлийнхээ "Tesla" болон хувьцаагаа худалдаалж, өөр төрлийн шинэ цахилгаан хөдөлгүүрт автомашин сонирхох болжээ. Улмаар "Tesla"-ийн хувьцааны ханш нэгдүгээр сарын оргил үеэсээ бараг тал хувиар унасан байна. Түүнчлэн, уг цахилгаан автомашины худалдааны төв болон цэнэглэх станцыг галдан шатаах оролдлого энэ долоо хоногт гарсан болохыг Трампийн засаг захиргаа мэдэгдэв. Одоогийн байдлаар, Вашингтон хотод болсон жагсаалын үеэр мөргөлдөөн, хүчирхийллийн хэрэг гараагүй байна.