Хятадын гадаад хэргийн сайд Ван И өөрчлөлт, эмх замбараагүй байдал зонхилсон өнөө цагт итгэлцэл, харилцаа холбоогоо гүнзгийрүүлэхийн тулд 2019 онд түр зогссон чөлөөт худалдаа, бүс нутгийн хамтын ажиллагааг эрчимжүүлэхийг уриаллаа.

Тэрбээр Токио хотноо Япон, Өмнөд Солонгосын гадаад хэргийн сайд нартай уулзсан бөгөөд хамтдаа эдийн засгийн интеграцчиллыг бэхжүүлэх ёстой гэж мэдэгдсэн байна.

Тодруулбал, "Өөрчлөлт, эмх замбараагүй байдал, дэлхийн эдийн засгийн сэргэлт удаашралтай байгаа өнөө цагт Хятад, Япон, Өмнөд Солонгос харилцаа холбоогоо улам бэхжүүлж, итгэлцлээ нэмэгдүүлж, хамтын ажиллагаагаа гүнзгийрүүлж, бүс нутгийн энх тайван, хөгжлийг тогтворжуулах хүчин зүйлээр хангах нь чухал гэдгийг бид бүгд хүлээн зөвшөөрч байна" гэжээ. Мөн "Бид бүс нутгийн эдийн засгийн интеграцчлалыг дэмжих хүчин чармайлтаа нэгтгэх ёстой" гэж уриалжээ.

Тодруулбал, бүс нутгийн үйлдвэрлэл, нийлүүлэлтийн сүлжээг тогтвортой, жигд байлгаж, харилцаа холбоог хадгалахаас гадна олон талт үзэл, чөлөөт худалдаа, эдийн засгийн даяаршлыг илүү өргөн хүрээнд дэмжих хэрэгтэй гэж онцолжээ.

Японы гадаад хэргийн сайд Такеши Ивая, Өмнөд Солонгосын гадаад хэргийн сайд Чо Тэ Юл нартай бүс нутгийн худалдаа, аюулгүй байдлын асуудлаар Ван И хэлэлцсэний дараа хамтын ажиллагааны талаарх уриалгийг гаргасан аж.

Ажиглагчдын үзэж буйгаар, энэхүү дээд хэмжээний уулзалт нь АНУ-ын ерөнхийлөгч Дональд Трампийн Энэтхэг-Номхон далайн бодлогын тодорхойгүй байдлаас улбаалан бусад улс орны харилцаа сайжирч буйн нэг илрэл юм.

Түүнчлэн, 2025 он бол НҮБ байгуулагдсаны 80 жилийн ой, Японы түрэмгийллийн эсрэг дайн, дэлхийн фашизмын эсрэг дайны ялалтын 80 жилийн ой тохиож байгааг Ван И дурдсан байна.Тиймээс өнгөрсөн түүхийг чин сэтгэлээсээ тунгаан бодож, ирээдүйг жинхэнэ ёсоор бүтээж чадна гэж үзэж буйгаар тэрбээр илэрхийлжээ. Энэ нь тухайн гурван орон түүхтэй нүүр тулж, ирээдүйгээ харах зөвшилцөлд дүгнэлт хийж, хамтын ажиллагааны анхны зорилгодоо тууштай байж, "1+1+1>3"-ын үр дүнг бодит болгох тухай гэж албаныхан тайлбарлав. Дээд хэмжээний уулзалтын төгсгөлд, талууд бие биеийнхээ үндсэн ашиг сонирхлыг хүндэтгэж, санал зөрөлдөөнөө шийдвэрлэж, эрч хүчээ нэмэгдүүлэн харилцаа холбоогоо бүхий л талаар зөв, тогтвортой байлгана гэж амлажээ.