Увсад хөгжлийн бэрхшээлтэй иргэдэд боловсрол нөхөн олгох сургалт хэрэгжиж байна

Увс аймгийн Засаг дарга санаачлан хэрэгжүүлж буй “Хөгжлийн бэрхшээлтэй иргэдийн хөгжлийг дэмжих төсөл, арга хэмжээний хүрээнд” боловсролын үйлчилгээнд хамрагдаж чадахгүй байгаа бичиг үсэг, дөрвөн аргын тоо мэдэхгүйн улмаас нийгмийн харилцаанд орж чадахгүй байгаа хөгжлийн бэрхшээлтэй хүүхэд, залуучууд, иргэдэд боловсрол нөхөн олгох сургалтын үйл ажиллагааг эхлүүлээд байна.

Хөгжлийн бэрхшээлтэй иргэд нийгмээс гадуур орхигдож мэдээ мэдээлэл авч чадахгүй, нийгмийн харилцаанд орж худалдаа үйлчилгээ хийх, өөрийгөө илэрхийлэх боломжгүй нөхцөл байдлыг халж боловсролын болон бусад үйлчилгээг тэгш хүртэх боломжийг бүрдүүлсэн чухал ажлын эхлэл болж байна.