Цаг уур орчны шинжилгээний газраас Ням гаригаас ирэх долоо хоногийн Лхагва гариг /2025.03.23-26/ хүртэл ихэнх нутгаар хүйтний эрч чангарч, эрс хүйтрэхийг анхаарууллаа. Тодруулбал, тус өдрүүдэд ихэнх нутгаар хүчтэй шороон болон цасан шуурга шуурах бөгөөд үзэгдэх орчин хязгаарлахдахыг анхааруулж байна.

Өнөөдөр болон маргааш ихэнх нутгаар дулаан байх хэдий ч, 23-нд нутгийн хойд хэсгээр, 24,25-нд ихэнх нутгаар салхи, шуургатай, сэрүүсч эхлэх аж.

Улаанбаатарт 24,25-нд нойтон цас, цас, 26-нд ялимгүй цас орж, цасан шуурга шуурна.  Бусад нутгаар:

• 23-нд баруун болон төвийн аймгуудын нутгийн зарим газар, зүүн аймгуудын нутгийн хойд хэсгээр бороо, нойтон цас,
• 24-нд баруун, төв, зүүн аймгуудын нутаг, говийн аймгуудын нутгийн хойд хэсгээр,
• 25-нд баруун болон төвийн аймгуудын ихэнх нутаг, говийн аймгуудын нутгийн хойд хэсэг, зүүн аймгуудын нутгийн зарим газраар,
• 26-нд баруун болон говийн аймгуудын нутгийн зарим газар, төв, зүүн аймгуудын ихэнх нутгаар нойтон цас, цас орж, цасан шуурга шуурна.