ОХУ 2.4 их наяд рубль буюу 28.7 тэрбум ам.доллартай тэнцэх хөрөнгийг төрийн мэдэлд шилжүүлснийг улсын Ерөнхий прокурор Игорь Краснов мэдэгдэв. Украин дахь дайн эхэлснээс хойш ОХУ өмч хөрөнгө хураах ажиллагааг эхлүүлсэн. Энэ онд дотоодын хөрөнгө хураах ажиллагаа улам эрчимжсэний зэрэгцээ томоохон компани, үйлдвэрлэгчдийг улсын мэдэлд шилжүүлэх шийдвэрийг шүүхээс гаргасан. Үүнд үр тарианы тэргүүлэгч бизнес, цайр, хар тугалга үйлдвэрлэгч болон Домодедово нисэх онгоцны буудал зэрэг багтаж буй.

Гадаадын хяналтад байсан стратегийн таван аж ахуйн нэгжийг Оросын төрийн хяналтад оруулсан гэдгийг Краснов ерөнхийлөгч Путинтэй уулзахдаа мэдэгджээ. Тухайн компаниудын нэрийг тодорхой дурдаагүй боловч эзэд нь ашгаа Оросоос татсан, дэд бүтцэд хөрөнгө оруулаагүй, татвараа бүрэн төлөөгүй аж.

Украин дахь дайн эхэлснээс хойш Орос дахь гадаадын компаниуд хөрөнгөө хураалгах эрсдэлтэй тулгараад байсан. Гэвч зөвхөн гадаадын гэлтгүй дотоодын компаниуд ч ийм эрсдэлтэй тулгарах болжээ.